Connect with us

Banda ku mester tin maneho rigido pa atende ku e krisis di Covid Frakshon di MAN ta kondena menasa

Korsou

Banda ku mester tin maneho rigido pa atende ku e krisis di Covid Frakshon di MAN ta kondena menasa


Ku konsertenashon Frakshon di MAN i pueblo di Kòrsou a tuma nota di un mensahe di bos ku unda menasa dòkter Semper, Gesterbluth epidiolomogo, ex Minister Presidente i nos aktual Minister Presidente sr. Pisas.

Siman pasa di un manera transparante I profeshonal dòkter Gestherbluth i Minister President Pisas a trese dilanti ku data i siensia dokumenta riba e uso di “Invermecitin” pa kombati COVID 19 i dikon mas tantu hende mester bakuna sin ku esaki ta obligashon.

E reuda di prensa aki despues a keda mina dor Minister di Salubridat Sra. Dorothy Janga ku a opta anteriormente pa no papia di bakunashon awor duna deklarashonnan  sin base sientifiko pa ku e uso di “Invermecitin “ i awa lou ku lamunchi mientras ku tin 171 morto i sifra  ta mustra ku e ultimo personanan ku a fayese ta persona ku no a bakuna.

 

Esaki klaramente ta mustra ku e Minister di GMN, sra Janga formando parti di gabinete aktual ta funshoná kontrali di e maneho di Gobièrnu ku ta pa tur persona bai bakuna. Ku e deklarashon ultimo minister Janga ta debilitá minister Presidente.

E situashon aki no a yuda e diskushon publíko riba e usamentu di “Invermecitin “ na unda por sierto Asosashon di medikonan a atvertí dòkternan di kas pa no usa e remedi aki pa kombati COVID 19. Banda di esaki “Invermecitin” no tin mag di keda perskribi pa dòkternan di kas.

 

E deklarashonnan di Minister di GMN Sra Janga a lanta un komoshon insesario den nos komunidat riba e tema uso di e remedi aki.

Frakshon di MAN ta konvensí ku e falta di koridinashon i direkshon pa ku maneho di COVID-19 den Gabinete Pisas no tei, mientras ku ta COVID-19 ta e motibu ku nos ta den krisís. 

 

Nos ta hasiendo fiansa pa tene kabes riba awa, banda di esei nos a risibi un kantidat di bakuna i awor aki hasiendo petishon pa sosten di likides pa CMC. 

Pesei ta inaseptabel ku Minister di GMN e titular di mas importante den e krisís di salú aki, ta krea un situashon di intrankilidat i no ta krea perspektiva pa yuda krea tera fertil pa esun nan ku ke hasi mal uso di nan libertat di ekspreshon pa menasa nos hendenan ku a sirbi i tei pa sirbi nos pais.

Frakshon di MAN ta urgi hustisia atende e tipo di menasanan aki ku forsa di lei pa asina para e aktonan aki kontra nos profeshonal i gobernantenan di nos pais.

Nos ta desea tur esun ku a keda menasá hopi forsa na nan i nan famianan pa ku e situashon inasptabel.



Source link

Click to comment

Leave a Reply

Your email address will not be published. Required fields are marked *

More in Korsou

To Top