Connect with us

Ban yuda e industria cinematografico di Aruba

Aruba

Ban yuda e industria cinematografico di Aruba


Aruba a cuminsa traha pelicula den un nivel hopi halto e internacional den diferente genero, nos por a logra wak cu tin hopi talento y cu no tin un plataforma pa por stimula e mercado aki. “Di e manera aki nos a cuminsa traha un pelicula cu ‘zero budget’. Tur hende cu a participa a hacie pasobra ta gusta e arte di cinematografia.

Asina mes nos semper tabata tin e contratiempo di filma pasobra no tabata tin un camara y semper mester warda te ora e persona cu tabata tin e camara tabata liber pa asina nos por uza e camara. Asina mes tabata dificil pasobra un hende cu ta fia su camara y no ta wordo paga ta traha un cara straño pasobra no tin placa p’e. Pero asina mes a mi nunca a ‘give up’ ma sigui cu e proyecto te final,” ta loke Angel Soto di Soto Productions a enfatisa.

Ta trata aki di un proyecto cual a cuminsa traha riba dje, cu ta un idea den grupo cu e mes ta forma parti di dje. Despues di a haya 10 sinopsis fo’i India, y cu e libertad pa scoge uno pa traha riba dje, a bin topa cu e obra cu na final lo yama ‘Lockdown’.

Aruba ta cla pa participa den Bollywood Film Festival y selecta caba den cuater film festival rond mundo.

Y awo Aruba mes ta cla pa tira un bista riba ‘Lockdown’, cual lo tin su première dia 18 di november 2021 pa 7:00 pm den Gloria IMAX.

Pa un cobertura mas amplio lesa e edicion di TREMPAN di mañan.





Source link

Click to comment

Leave a Reply

Your email address will not be published. Required fields are marked *

More in Aruba

To Top