Connect with us

AZV tene presentacion di nan estado di fondo den parlamento

Aruba

AZV tene presentacion di nan estado di fondo den parlamento


Diahuebs mainta, AZV a haya invitacion di e Comision Fiho di parlamento pa Salud Publico, pa asina duna un presentacion di e estado di e fondo di gasto medico di AZV y elabora un poco riba e sistema di financiamento di lumpsum.

Segun director di AZV, ir. Edwin Jacobs, a duna presentacion cu a bin ta dunando caba na diferente gremio, entre otro na diescinco sindicato. A duna e presentacion aki tambe na ATIA, AHATA y proximamente e lo ta duna tambe na Camara di Comercio.

Ta un presentacion caminda cu AZV ta mustra un proyeccion di e gastonan te cu 2035. A mustra tambe e reto cu e fondo tin y kico nan ta impulsa e gastonan p’e proximo añanan, principalmente e proceso di embehecimento di nos poblacion.

Tambe a elabora riba e tarea buta riba Aruba pa reduci gasto cu un promedio di 5 miyon florin pa luna. A mustra na prome instante cu den un termino cortico, a desaroya e 5 wave model. Pero cu den tempo mester reemplasa e diferente aspectonan temporal y  haci nan mas structural.

Aki a mustra diferente plan cu tin den AZV mes pa purba di corta gasto. A indica tambe cu for di gobierno a haya e tarea specifico pa mitiga e efectonan mas tanto posibel riba e aseguradonan.

Tur esaki cu e meta pa mantene e sostenibilidad di e fondo di AZV.

Pa un cobertura mas amplio lesa e edicion di TREMPAN di mañan.





Source link

Click to comment

Leave a Reply

Your email address will not be published. Required fields are marked *

More in Aruba

AD

Advertisement

Trending

Advertisement
To Top