Connect with us

AZV no ta dispuesto pa sigui entrega!

Aruba

AZV no ta dispuesto pa sigui entrega!


Solidario cu e otro departamentonan di gobierno, e trahadonan di AZV tambe a dicidi di pone trabou abou, pa vocifera nan malcontento pa locual ta e recorte salarial.

Errol Bremo, shopsteward di FTA na AZV, a bisa cu e trahadonan di AZV tambe ta pasando den e mesun dificultad cu e otro trahadonan pa locual ta e 12.6%. Nan tambe ta solidario cu e lucha contra di 12.6%. ta trata di mas o menos 30 trahado, cu ta tur esunnan cu tin un CAO firma.

Bremo a relata cu e accion di AZV tabata uno di un ora, y a purba pa e accion no perhudica e operacion di AZV. E accion di awe tabata solamente un accion chikito, pero si nan no a haya ‘feedback’ positive di gobierno, nan ta dispuesto pa sigui cu nan accionnan.

E trahadonan a entrega e 12.6%, den diferente forma. Parcialmente den salario y parcialmente den e otro beneficionnan secundario. Tur ta compronde cu e tabata un causa, pa locual ta ayudo di FASE. Pero si ta kita FASE y loonsubsidie, pakico ta sigui cu e recorte.

Tambe Bremo a bisa, cu e trahadonan tabata solidario cu esunnan cu a bay over na FASE. Pero awo cu FASE a termina, nan tambe kier nan 12.6% bek! Ta nan placa y nan no ta mira motibo mas pa sigui entrega.

Pa un relato mas amplio, lesa TREMPAN di mañan.





Source link

Click to comment

Leave a Reply

Your email address will not be published.

More in Aruba

To Top