Connect with us

Awe tambe por vota den eleccion presidencial di Colombia

Aruba

Awe tambe por vota den eleccion presidencial di Colombia


Consul di Colombia, Mirza Gnecco Plá, ta invita tur ciudadano Colombiano residencia na Aruba pa probecha e dia liber di awe y eherce nan derecho di voto. E centro di votacion ta ubica na sede di Consul di Colombia ubica na Julianastraat #4 na Oranjestad y ta habri di 8’or di mainta pa 4’or di atardi.

E posibilidad pa vota den e eleccionnan aki pa presidente y vice presidente di Colombia a habri for di dialuna 23 di mei ultimo y ta cana te cu diadomingo 29 di mei proximo. Entre awe y diasabra e eleccion lo tuma luga na sede di consulado, mientras cu diadomingo e ta muda pa salon di evento ubica den De La Sallestraat 26 banda di restaurant Don Jacinto, cual ta e mesun luga caminda a tene actividad den luna di maart.

Solamente por vota esunnan cu ta registra den e censo electoral di e subscripcion di e consulado. E registro aki a clausura dia 23 di maart. Tur esunnan cu a registra oportunidad of cu a cedula pa prome biaha na e oficina consulta, ta inclui caba den e censo electoral. Pa vota awe of den e dianan nos dilanti, solamente mester presente cu nan cedula.

“Mi kier gradici e ciudadanonan Colombiano cu te cu awe a colabora cu nos como hurado di votacion y muy specialmente mi kier invita tur esunnan cu ta desea di fungi como hurado, pa presenta na e consulado te cu diasabra of diadomingo dia cu lo tin mester di 32 hurado di votacion,” Consul Gnecco Plá a comenta.  Tambe e consul ta invita representantenan di partidonan politico local pa acredita como testigo. Por haci esey te diasabra pa 4’or di atardi.

Pa e reportahe completo di esaki, lesa e proximo edicion di TREMPAN





Source link

More in Aruba

To Top