Connect with us

Awe formado a atende migracion, economia y enseñansa

Aruba

Awe formado a atende migracion, economia y enseñansa

Economia y Enseñansa ta e areanan cu a trata den e reunionnan cu stakeholders diaranson 4 di augustus. Reunionnan cu ta cay den bon tera tanto cerca stakeholders, gobierno, partidonan MEP y Raiz. Awe a toca e area un biaha mas di economia y enseñansa y pa esaki e siguiente personanan a duna nan declaracion na prensa despues di a reuni cu Formado Evelyn Wever-Croes, Ursell Arends y e respectivo delegacionnan di Partidonan MEP y Raiz: Marc Figaroa, director di Aruba Ports Authority; Josette Daal y Diane Lejuez di Stichting EPB; Ralph Yarzagaray di notarionan; dr. Viola Heutger, Rector Universidad di Aruba y Maritza Carrion di Organisacion Cabesantenan Educacion Basico.

Prome Minister Evelyn Wever-Croes ta gradici tur cu a acudi na e reunionnan importante pa asina trece nan input di loke nan ta haya ta importante pa e gobierno nobo tene cuenta cu ne den e siguiente gobernacion pa e proximo 4 añanan.

Prome Minister Evelyn Wever-Croes: “Nos a reuni cu mas o menos 70 stakeholder. Reunionnan hopi interesante y crucial den e fase di formacion. Masha danki na tur cu a participa. Nos tin algun dia ainda pa bay cu algun stakeholder mas. E retonan ta hopi grandi, pero e determinacion t’ey. Esey ta e base, determinacion pa hiba nos pais dilanti den e siguiente gobernacion”.



Source link

More in Aruba

IMPORTANT ANOUNCEMENT

Advertisement
Advertisement

Trending

Advertisement
Advertisement
To Top