Connect with us

AVP: Recorte den compania estatal lo causa un otro ‘brain drain’

Aruba

AVP: Recorte den compania estatal lo causa un otro ‘brain drain’


Aruba su situacion financiero nunca tabata stabiel, pero el a bira pio na momento cu pandemia di Covid-19 a haci su entrada. Asina tambe un di e condicionnan di Hulanda pa sosten di likides tabata pa gobienro bin c’un Landsverordering Normering Topinkomens . 

Lider di Fraccion di AVP, mr. Milke Eman a cuminsa na bisa cu mientras cu nan tabata reuni cu Algemeen Pension Fonds Aruba (APFA). El a indica cu APFA a presenta na nan tur e motibonan di e efectonan sumamento negativo si nan bay cay bou di e LNT, ya cu APFA ta esun cu ta cuida pension di mas 7 mil activo den nos comunidad. Un instituto asina no por bay bek bou di gobierno. 

Dialuna APFA a presenta cu durante 2011, cu gobierno di Gabinete Mike Eman I a salba e fondo di pension e tempo ey, cu tabata tin un activo di 1.9 biyon pero un deficit di 600 miyon. E fondo tabata tin solamente 74% di cobertura. Despues di locual e gobierno di Mike Eman I a haci, door di separ’e di influencia di gobierno y politica, di hacie profesional y p’e bay resorta bou di Supervision di Banco Central, hunto cu e reformanan introduci, por a mira cu di 1.9 biyon di fondo, nan a bay pa 3.4 biyon den nan fondo cu ta sigura y na mes momento, e deficit di 600 miyon, a baha na 300 miyon. E cobertura cu tabata 74%, awo ta 119%. Esaki ta indica cu e rabou cu nan a haci e tempo, pa hacie independiente di gobierno, p’e cay bou di Banco Central, pa aplica e reformana, a duna su fruto. 

Segun Eman, APFA a indica cu nan ta hopi preocupa cu e mentira cu a sali na cla ta cu Prome minister, cu den e conferencia di prensa a bisa cu e lo exonera algun grupo y institutonan, door di crea e impresion cu APFA lo ta un di nan cu lo haya exoneracion di e ley aki, pero mientras cu AVP tabata den reunion cu APFA, a bin c’un nota di cambio, pero no ta bisa cu APFA no ta wordo exonera. Pero den e nota di cambio ta skirbi cu, Respaldo cu ta un instituto, cu mester di su miho expertonan, e miho specialistanan, tin un retraso grandi den tratamento di e malesanan psicologico di nos pais, tambe ta bay cay bou di e ley aki. 

Esaki sigur ta forma un peliger ya cu ora cu e salario baha, hopi di e specialistanan lo bandona nos pais. 

Pa un relato mas amplio, lesa bo corant digital TREMPAN.





Source link

More in Aruba

To Top