Connect with us

AVP: Pueblo no por mas cu recorte den cuido medico

Aruba

AVP: Pueblo no por mas cu recorte den cuido medico


Mervin Wyatt-Ras di fraccion di AVP a haci varios pregunta durante e reunion publico cu a tuma luga awe mainta den Staten, unda cu a trata e tema di AZV. Segun e parlamentario e minister di salud a bin atende no solamente cu e 60 miyon cu lo corta den AZV y cu gobierno a bay di acuerdo cu ne y tambe tocante e fisioterapistanan.

Pa loke ta trata e 60 miyon, AVP tin prueba di diferente carta manda fo’i 2019, pero tambe den 2020. Fuera di esey tin rapport di ‘kostenontwikkeling’ cu AZV a laga traha den 2019, unda cu a sugeri pa bin cu cierto medida.

Na momento cu tabatin e discusion riba e tranchenan cu e gobierno a haya, prome minister a bay di acuerdo na 2020 cu asina e por corta den cuido. Eynan por bisa cu tin e carta cu secretario di estado Knops a manda Tweekde Kamer unda cu el a bisa cu na mei 2020, den Rijksministerraad, cu Aruba a bay di acuerdo cu e cortamento y tambe cu Landspakket.

Aworaki e proceso a sigui y por mira cu e prome minister ta bin ta bisa cu e ta bay haci un plegaria cu gobierno Hulandes y haci si fuera cu nan no ta di acuerdo.

Sinembargo tur loke ta preto riba blanco ta papia pa su mes. N’e momento aki Wyatt-Ras ta sinti cu gobierno a bin parlamento pa haya aprobacion pa nan por bay tuma medida.

Nos pueblo no por mas, Wyatt-Ras a expresa.

Riba e tema aki, mr. Gerlien Croes, parlamentario di AVP, tambe a trece su punto di bista. Diamars mainta el a elabora riba e hecho di preocupacion pa motibo cu a trece dilanti bon cla cu ta realisa cu e gobierno aki a hinca su mes den e situacion cu e ta aden n’e momento aki.

Por analisa e direccion cu e reunion a bay cu despues di a sconde tras di saya di pandemia y Hulanda, cu ta propone pa corta den salubridad, ta purba di sconde tras di sombra di AVP.

Na final di dia, ta hopi cla cu na 2019 a haci un ‘doorlichting’ den AZV a base di e rapport aki. Por a mira cu ta e puntonan ey ta den ehecucion. Loke ta haya hopi falta di dje ta di un maneho responsabel, pasobra ta hopi sugerencia e rapport a trece dilanti.

Por nota cu cada biaha e minister ta pidi conseho na AZV. E no ta tuma decision ni maneho den su man. Di un otro banda por mira tambe cu en realidad loke nan a haci ta hinca nan mes den e posicion aki, ora cu a firma un ‘bezuinigingsplan’ sin sa kico esaki lo bay nifica pa nan, segun Croes.

Lider di AVP, Mike Eman a expresa cu ora cu lesa bao di cuido, tur medida cu ta contempla awendia y discuti pa corta den AZV, tur e medidanan aki ta acorda. No por bisa no por a pone presion riba Aruba, pasobra ta e propio gobierno ta aceptando esaki. Pa AVP e ta un situacion preocupante.

Pa un cobertura mas amplio lesa e edicion di TREMPAN di mañan.





Source link

Click to comment

Leave a Reply

Your email address will not be published. Required fields are marked *

More in Aruba

To Top