Connect with us

AVP: Nos lamanan ta contamina y gobierno no ta bisa nada

Aruba

AVP: Nos lamanan ta contamina y gobierno no ta bisa nada


Recientemente por a tuma nota di varios topico cu ta keda bin pa dilanti pa loke ta trata maneho di medio ambiente riba nos isla. Siman pasa a toca e tema di e dump na Parkietenbos, caminda e ciudadanonan tin varios aña ta boga pa maneha desperdicio di sushi den un manera mas sigur. Den un entrevista cu parlamentario mr. drs. Ryçond Santos do Nascimento el a toca e topico di Rioolwater Zuiveringsinstallatie (RWZI) y e preocupacionnan relaciona cu esakinan.

Asina e parlamentario a splica cu na Aruba tin un complete di tres instalacion di e tipo aki, un na Zeewijk, un na Parkietenbos y un na Bubali. Obhetivo di esakinan ta pa procesa awa sushi (di riool) y haci esaki limpi te cu 80% di purificacion pa asina benta esaki den lama. Sinembargo, Santos do Nascimento a splica cu actualmente ta bentando e awa aki den lama cu apenas 40% di purificacion y cu esaki ta contaminando nos lamanan. 

El a referi na un rapport di CARMABI (Caribbean Analysis and Administration of Biodiveristy) den cual ta señala cu henter e costa zuid di Aruba ta un “catastrophe ready to occur” debi cu tin demasiado contaminacion den esakinan y gobierno no ta bisando nada, “e awanan aki no ta protected”.

Segun e parlamentario tin caminda cu te hasta e excremento ta drenta lama directamente for di e tubonan di riool. Y ta den e awanan aki nos ciudadanonan como tambe e turistanan ta bay landa y despues haya malestar na cuero. El a señala cu te hasta tin un rash yama “The Aruba Rash” cu ta tur caminda riba web.

Pa un relato mas amplio lesa edicion di TREMPAN mañan. 

1n61dcaca42219f0.56429487





Source link

Click to comment

Leave a Reply

Your email address will not be published. Required fields are marked *

More in Aruba

To Top