Connect with us

AVP: Citgo a haya loke ta nenga di duna Serlimar

Aruba

AVP: Citgo a haya loke ta nenga di duna Serlimar


No ta un secreto cu Serlimar, un compania estatal no ta pasando den su miho momentonan. Dado momento e no tabata por a cumpli cu su obligacionnan financiero, pa cual a bay corte pa pidi surseance van betaling. 

Actual minister encarga cu Serlimar, Ursell Arends, a indica cu e ultimo informacion cu e tin, ta cu Serlimar debe 20 pa 21 miyon florin, di cual 14 miyon e debe gobierno. Parlamentario pa fraccion di AVP, drs. mr. Mike de Meza, tempo cu Serlimar a bay den surseance van betaling, hues a duna un extension riba esaki te cu februari. Despues di esaki e lo haci un evaluacion riba e derecho di existencia di Serlimar of lo declara Serlimar failliet. 

Fraccion di AVP a presenta un mocion, unda cu nan a pidi pa gobierno bin parlamento, pa via un Landsverordering (via ley) pa duna Serlimar un kwijtschelding cu e compania debe gobierno. 

Den pasado, a haci esaki pa cu Air Aruba, a hacie cu Centro Medico tambe. No mucho tempo pasa, Prome Minister di Aruba, Evelyn Wever-Croes a duna un ‘kwijstchedling di 20 miyon florin na Citgo, cu a pretende cu e no tin placa. E ora Prome minister a bin parlamento pa busca un machtigingsverordering, pa negocia, hutno cu RDA y Citgo, cu ta un di e companianan mas stabiel na Merca, pa duna e compania un kwijtschelding 320 miyon florin, cu e compania aki tabata debde Aruba.

Pregunta ta keda, unda e prioridad ta? Ta duna un compania Mericano un kwijtschelding di 320 miyon florin, pero pa Serlimar, cu ta un compania estatal, un compania local, bo no por duna un kwijtschelding.  Un kwijtschelding cu lo por garantisa e derecho di existencia di Serlimar, segun parlamentario pa fraccion di AVP, drs. mr. Mike de Meza





Source link

Click to comment

Leave a Reply

Your email address will not be published. Required fields are marked *

More in Aruba

To Top