Connect with us

AVP a ricibi revista fo’i Fundacion Sea Bunita Sea Bo Mes

Aruba

AVP a ricibi revista fo’i Fundacion Sea Bunita Sea Bo Mes


Fundacion Sea Bunita Sea Bo Mes, representa pa Marianela Geerman, a haci entrego di nan bunita revista cu ta forma parti di nan trabao admirabel y hopi importante pa nos hendenan special. Ex-prome Minister Mike Eman y lider di fraccion di AVP, mr Mike Eman den compania di su coleganan parlamentario mr. Gerlien Croes y drs. Mervin Wyatt Ras y tambe candidato di AVP, Clifford Heyliger a ricibi e bunita obra aki di Fundacion Sea Bunita Sea Bo Mes. Hustamente riba e anochi di informacion importante cu tabatin na Centro di Bario Playa Pabao pa informa mayor y familiar cu tin muchanan special di un proposicion pa cambio di un ley cu por bira un sosten importante pa nan e momento di entrego di e revista bunita aki a culmina e anochi. Durante e anochi di informacion aki, hopi mayor y profesional den e area di cuido y educacion di e muchanan special a atende. Mayornan a duna testimonio conmovedor di e retonan grandi cu nan tin pa duna nan yiu special e maximo oportunidad pa desaroya y alcansa un calidad di bida digno.

Algun siman pasa e lider di fraccion di AVP, mr. Mike Eman y su colega drs. Mervin Wyatt-Ras a presenta un proposicion pa cambia e ley cu ta regla ayudo financiero, esta Landsbesluit Bijstandverlening. Colega di partido hurista, Wendrick Cicilia tambe a contribui na e proyecto aki. E iniciativa di ley aki ta pa mayornan di muchanan bou di 16 aña tambe por bini na remarca pa ayudo financiero. Awor aki e ley ta duna e posibilidad solamente pa un persona riba e edad di 16 aña. E proposicion di Eman-Wyatt-Ras ta pa mayornan di muchanan special bao di 16 aña tambe bin na remarca. E comitiva di AVP cu a ricibi e revista a keda hopi impresiona cu e trabaonan di Fundacion Sea Bunita Sea Bo Mes y Ex-prome Minister Mike Eman y e delegacion di AVP a expresa sentimientonan di admiracion y apoyo pa e Fundacion y su meta pa sostene y apoya nos hendenan special. Hustamente ta esey ta forma parti di escencial di e ley di iniciativa di Eman y Wyatt-Ras pa yuda famianan cu muchanan special





Source link

Click to comment

Leave a Reply

Your email address will not be published. Required fields are marked *

More in Aruba

To Top