Connect with us

Avion den beslag: Investigando grupo cu a trece sigaria Aruba for di Paraguay

Aruba

Avion den beslag: Investigando grupo cu a trece sigaria Aruba for di Paraguay


Un avion di bandera Venezolano y plachi Irani cu ta inmobilisa den e aeropuerto di Ezeiza tabata pertenece te cu januari na e compania Irani, Mahan Air, sanciona pa oficina di control di activo stranhero di Tesoro di Merca. Investigado a pone bista rib’e vuelo realisa pa e avion aki dia 13 di mei di Paraguay pa Aruba. Den e caso aki, e avion di Emtrasur a declara di transporta un cargamento di sigaria balora na 755 mil dollar. Ta investigando ken a paga p’e vuelo y con e operacion a cana.

Segun e factura 001-002-0000640, emiti pa e compania Tabacalera di Este SA (TABESA), vincula na un empresario y politico di Paraguay, a transporta 6010 paki di Ibiza extra suave doble filtro short y 1076 paki di Ibiza extra suave King Size. E cliente a declara den e mesun documento aki ta e compania Tabacos USA Inc, pero e compania ricibido tabata Tabacal Free Zone NV, cu sede na Aruba.

E avion a sali for di Venezuela y a aterisa na e aeropuerto Guarani, den e ciudad di Minga Guazu, apenas 13 kilometer oost di e ciudad. Tripulacion tabata consisti di Venezolano y Irani. Segun e manifiesto di e vuelo, publica p’e medionan Paraguayo, nan tabata 7 Irani y 11 Venezolano.

Di e shete Iraninan, apenas dos tabata coincidi cu e tripulantenan di e vuelo pa Ezeiza cu tabata hospeda na un hotel di Caning: Gholamreza Ghasemi y Abdolbaset Mohammadi.

Ghasemi tambe tabata piloto di e vuelo pa Buenos Aires. Segun dato suministra pa agencia internacional, e ta accionista y miembro di e junta directiva di e aerolinea Irani, Qeshm Fars Air, sanciona pa Merca. Prome e tabata presidente di Iran Naft Airlines, cu despues a haya nomber di Karun Airlines.

Tin un otro dato cu a yama atencion dje investigadonan. E compania di seguro di e avion Venezolano ta un empresa Irani: Raiz Insurance Co.

Despues di e vuelo aki, e agencia di inteligencia di Paraguay a emiti un alerta n’e coleganan di region, pero tambe pa Merca y Israel.

Den e vuelo cu a yega Ezeiza dialuna ultimo a biaha cinco Irani y diescuater Venezolano. Algun di nan, segun informacion di inteligencia manda pa Argentina, lo tin vinculo cu Forsa Quds, un division di e Cuerpo di Guardia Revolucionario Islamico specialisa den operacion di inteligencia militar.

Ayera nochi, hues federal Federico Villena a confirma e decision di gobierno pa wanta e paspoortnan di e Iraninan, aunke nan por a bay for di e pais. Actualmente, e avion di Emtrasur ta na Argentina ainda.

Villena a interveni diasabra mainta mediante un habeas corpus presenta pa abogado Rafael Resnick Brenner, un ex-funcionario di AFIP condena pa e caso di Ciccone, caminda e tabata pidi pa libera e avion y debolbe e paspoortnan na tur e tripulantenan.

Hues a ratifica cu e decision di migracion di wanta e paspoortnan tabata legal, pasobra e tabata basa riba articulo 35 di ley di migracion, cu ta papia di un “sospecha funda cu e intencion real cu ta motiva e entrada, ta diferente di locual a manifesta na momento di obtene visa of presenta na control di migracion.”

E avion a aterisa dialuna na aeropuerto di Cordoba y dos ora despues a yega Ezeia, caminda nan tabata warda riba dje. Den un operacion conhunto, cu intervencion di PSA, Aduana, Migracion y PFA, a revisa e avion varios biaha. “E tabata transporta piesa di auto pa un compania di motor di auto. A revisa e carga varios biaha, pero no a haya nada straño y a lag’e liber”, un fuente oficial a bisa.

Diaranson atardi ultimo, e avion a purba biaha pa Uruguay pa carga combustibel y di e manera ey por regresa Venezuela, pero gobierno di Uruguay a dicidi di cera e espacio aereo y a impidi esaki. Desde e dia ey, e avion ta para na Ezeia. YPF y Shell ta nenga di bend’e combustibel debi n’e alertanan internacional.





Source link

More in Aruba

AD

Advertisement

Trending

Advertisement
To Top