Connect with us

Autornan di Corsou a presenta buki na Aruba: Kahanan di Músika

Aruba

Autornan di Corsou a presenta buki na Aruba: Kahanan di Músika


Director di Biblioteca Nacional Aruba, Astrid Britten a ricibi e buki titula ‘Kahanan di Músika: e forma divino pa alegrá kurason!’. Autornan for di Corsou, Marilyn Alcalá-Wallé, Herta Parabirsing-Balentina y Nidia Rosaria-Wallé a haci entrega di un ehemplar di e buki pa e coleccion Caribiana na Departamento di Arubiana. Esaki ta un publicacion cu ta duna hopi informacion di e instrumento tipico, caha di orgel.

E buki ta elabora riba e.o. origen di caha di orgel na Corsou, trahadonan y tocadonan di Ca’i Òrgel, organisadonan di fiesta, tocadonan di wiri y su origen, instructornan di baile folklore y mas. Tur esunnan cu tin interes pa sa mas di e historia di caha di orgel y e desaroyonan, por haci un bishita na e departamento Arubiana. 

Plataforma Kaha di Òrgel: Aruba y Corsou tin un historia y laso comun y estrecho riba tereno di caha di orgel y semper a sostene otro pa mantene e patrimonio musical di caha di orgel bibo. Den cuadro di mantencion di e patrimonio aki bibo, recientemente a institui un ‘Plataforma di Kaha di Òrgel’ na Corsou, di cua un delegacion a realisa un bishita di cortesia na biblioteca, den persona di drs. Marilyn Alcalá-Wallé, Herta Parabirsing-Balentina, Nidia Rosaria-Wallé y Erich Martina.





Source link

Click to comment

Leave a Reply

Your email address will not be published. Required fields are marked *

More in Aruba

To Top