Connect with us

Auto a kibra pal’i luz na Piedra Plat

Aruba

Auto a kibra pal’i luz na Piedra Plat


Diabierna anochi, pa mas of menos 10:30 pm, a drenta ifnromacion di un accidente cu a sosode na Piedra Plat, caminda un auto a ranca un pal’i luz.

N’e sitio polis a bin topa cu un SUV Ford colo blanco, den mondi pega y cu un waya di coriente ta colga rond di e auto.

Chauffeur femenino ainda tabata sinta den e auto. Polis a indic’e p’e keda sinta den dje, mirando cu ta un peliger si e mester sali for di e auto, debi n’e situacion di e wayanan coriente.

Aparentemente e SUV tabat bin for di e caminda princpal di Paradera y net prome cu Mandingo Snack den e birada, el a perde control, a baha fo’i camimnda, pa despues ranc’e pal’i luz y pega den mondi.

A pidi personal di Elmar presenta pa atende e situacion di e wayanan di coriente. Mester a kita coriente pa asina e chauffeur femenino por a baha na un manera safe for di su auto.

Fuera di e ekipo di rescate di Brandweer, ambulance tambe a presenta pa duna e chauffeur asistencia medico.





Source link

Click to comment

Leave a Reply

Your email address will not be published.

More in Aruba

AD

Advertisement

Trending

Advertisement
To Top