Auto a dal homber canando riba caminda na Savaneta

Diamars anochi net dilanti di MFA na Savaneta ta sosode un accidente unda chauffeur di suzuki swift debi n’e caminda scur no a mira un peaton y a dal e homber parti dilanti cu e auto.

E homber a cay riba caminda y no a lanta mas. E yama pidi yudansa unda ambulance y polis di biaha a presenta n’e sitio. Polis a cera parti di e caminda, polis motorisa a tuma dato di e chauffeur di e auto y e peaton.
E homber peaton tabata keha di dolornan na curpa y a keda atendi di biaha pa paramediconan y transporta pa hospital.