Connect with us

Auto a dal contra palo di luz na Savaneta

Aruba

Auto a dal contra palo di luz na Savaneta


Den careda di 6’or di diadomingo mainta, por a nota presencia di un truck di NV Elmar na Savaneta ta haciendo algun reparacion na un palo di luz. Pakico? Esaki lo a wordo gedal pa un auto. Pa rasonnan desconoci, e chauffeur lo a perde control di e vehiculo, cu e consecuencia ya conoci.

E situacion a complica ora cu a pidi pa un takelwagen p’asina kita e auto, pero esaki no por a haci nada e momento ey, ya cu e vehiculo tabata den un posicion fastioso despues di e impacto. Esaki a haci cu mester a realisa varios maniobra prome cu por a remove e palo di luz y pa despues por a lastra e auto.

Te asina leu no tabatin informe si tabatin herido ni tampoco kico exactamente a pasa. Polis di trafico y roadservice tambe a acudi n’e luga pa evalua e situacion y investiga causa di e accidente. Tampoco ta conoci si e chauffeur tabata bao di influencia di alcohol. Daño ta considerabel.





Source link

More in Aruba

A2Z ADMINISTRATION

AD

To Top