Auto a bolter lagando hende herida na Pos Abao

Pasa di merdia, den careda di 2:00 pm, a sosode un accidente caminda un auto a bolter y a cay den greppel na Pos Abao, net un tiki mas pariba di Citgo Sasaki.

Ta trata di un V-wagen numera V-5939 y tambe un Chevrolet Spark numera A- 68306 cu tabata envolvi den e accidente. E Spark, debi n’e impacto a cay cu su cuater wielnan den e greppel cant’i caminda. Tabatin un victima, un dama, cu a ricibi tratamento medico den ambulance.

Brandweer tambe a presenta n’e sitio. Prome a papia cu tabatin un persona pega den auo, pero e victima a logra sali for di den e auto y p’asina por a brind’e e atencion medico.

https://www.facebook.com/24ora/videos/516110467843617

Polis di trafico tambe tabata presente, caminda cu a cera parti di e caminda pa por haci e investigacionnan necesario pa mira kico en berdad a a pasa.

Daño material n’e v-wagen ta minimal, sinembargo e otro auto si a ricibi basta daño mirando e situacion cu e Spark tabata aden.