Connect with us

Aunke a logra stabilisa: No a sali complete fo’i crisis di COVID-19

Aruba

Aunke a logra stabilisa: No a sali complete fo’i crisis di COVID-19


November a habri nos cu prome minister teniendo un conferencia di prensa caminda el a elabora riba diferente topico. A inicia cu e topico di COVID-19. Segun mr. Evelyn Wever-Croes, nos a caba di cera un luna den cual a logra stabilisa e crisis, sin cu a sali di esaki por completo.

Actualmente tin un total di 179 caso activo. Na comienso di luna a cuminsa cu 227, durante luna di october el a bah pa 140 y a finalisa na 179, pues tabatin algun ola entre maart y october. E di cuater ola, causa p’e variante Delta a causa hoip daño. Cifra na hospital ta indica cu tin apenas cuater persona den ICU y na Colombia tin diesun persona.

Den luna di october a registra un total di cuarenta persona den hospital, e cifra aki tabata 69 p’e luna di september.

Prome minister kier a pone un atencion particular riba hospital cu debi na reconstruccion ta den proceso di mudamento actualmente. Esaki ta algo cu mester a sosode for di hopi tempo caba, pero debi na COVID-19 a schuif esaki. Mester tene na cuenta cu esaki ta costando hopi placa, cada dos siman di tardansa ta costa mey miyon florin. No por pospone esaki mas. Den e proceso aki ta keda un ‘tekort’ di trintitres camber den hospital y esaki ta pone un presion grandi riba e capacidad actual di hospital.

Pa luna di november prome minister kier pa henter Aruba ta extra cauteloso, pasobra ta bay drenta e high season. Kier haci esaki sin cu mester bin cu medida adicional pa asina evita cu lo pasa un december paden sin por celebra na manera tradicional. Aruba mester uni awo pa cuida mas, sigui ta atento, sigui mantene distancia y atende cu regla sanitario. Situacion ta stabiel pero no a sali di e crisis aki ainda. Si tuma nota di tur locual a sosode e fin di siman cu a pasa, referiendo na e cantidad di aglomeracion cu tabatin den celebracion di Halloween. prome minister a bisa e no sa mas den ki idioma mester papia pa pueblo compronde seriedad dje situacion. Asina el a subraya cu si kier yega fin di aña den un ambiente stabilisa mester haci mas pa cuida nos mes.

Entrante 8 di november Merca a bin cu medida adicional di Merca. E mandatario a splica cu esaki ta algo cu Merca a bini cu ne y esey ta cu bo por biaha pa Merca solamente si bo ta vacuna. Kico esaki ta encera? Bo mester ta completamente vacuna, y mester ta mas cu diescuater dia cu bo a completa e vacunacion (diescuater dia desde di dos vacuna). Mucha ta excepcion, caso humanitario.

Grado di vacunacion ta aumentado, ya Aruba ta conta cu riba 76% dje poblacion vacuna. Sinembargo, ainda tin un cantidad di tres mil persona cu no a acudi pa tuma nan di dos vacuna. Mester tene na cuenta cu esunnan cu un sistema inmunologico comprometi ta conta cu nan. Pa es motibo, ta sigui curasha tur hende pa vacuna y pa tene nan mes na tur regla sanitario imponi.





Source link

Click to comment

Leave a Reply

Your email address will not be published. Required fields are marked *

More in Aruba

To Top