Connect with us

Atleta di Special Olympics Aruba a resalta na Merca

Aruba

Atleta di Special Olympics Aruba a resalta na Merca


Diadomingo e atletanan di Special Olympics a regresa for di Merca. Varios atleta di Special Olympics a cay den premio. Nan a logra gana medaya di oro como plata. 

Arthuro “Tuyo” Werleman, presidente di Special Olympics, a bisa entre tur estado di Merca, un isla chikito den Caribe a lucha den nan y asina mes a logra. Tur cos a bay bon den e dianan ey. E ta gradici cu no tabatin ningun incidente ni nada a pasa. E atletanan tabata entusiasma y a hopi nan esfuerso.

Di e biahe aki e atletanan ta recorda esaki pa semper, door di e bon trato ricibi. Nan a pasa un dia completo na Disney cu cuminda y tur cos di e organisacion. Tur dia tabatin actividad. E trato, e hotel, Disney hotel, ta uno hopi bon y e cuminda tabata bon. Segun Werleman, e trato aki nan no ta bay lubida.

Janette Williams, hefe asistente di delegacion Special Olympics, a indica cu nan a bay c’un team cu tabata hopi bon. Su persona mes no a spera cu nan lo a logra gana hopi medaya. Unabes e atletanan di Special Olympics di Aruba ta riba e canchanan, nan ta saca cara di Aruba. Desde prome dia tabatin un bon trato, e atletanan conoce hopi otro atleta, tabatin union y alegria cada dia.

Aruba a resalta den e deportenan di futbol, bowling, atletismo y bocce. Tambe a logra gana medaya di oro den futbol y atletismo, medaya di plata den bocce y bowling. Williams a gradici su staff- y coachnan, pasobra sin nan no por a logra. Tambe tur atleta cu a sa saca cara di Aruba cada dia.

Carolina Thiel-Span, presidente di Fundacion Autisma, a indica di ta contento cu e presentacion di Byron Lesire. Byron tin mas di un aña cu ta un di e embahador dje fundacion y su soño tabata pa representa Aruba internacionalmente den deporte cu ta bowling. Lesire a haya oportunidad p’esey y a bin cu hopi training, specialmente su aspecto social.

Fundacion Autismo ta hopi contento no solamente cu el a bay pero di a representa Aruba hopi bon. A bin bek cu dos medaya di plata. Mas cu claro na momento cu Thiel-Span a haya sa, di biaha a cuminsa yama rond pa haya kico por haci pa hacie algo leuk p’e.

Pa mas lesa TREMPAN.COM.





Source link

More in Aruba

To Top