Connect with us

ATHA ta celebra 10 aña di Poder di Hubentud cu un record di 57 hoben nomina

Aruba

ATHA ta celebra 10 aña di Poder di Hubentud cu un record di 57 hoben nomina


Diadomingo den un evento sorpresa, famia, amistad y diferente organisacion a presenta pa apoya tur e 57 hobennan cu a keda nomina pa Poder di Hubentud.
Ta diferente organisacion a manda peticion pa e comision di cual cada peticion a keda evalua y a eligi 57 hoben cu a destaca den area di Arte, Cultura, Enseñansa, Deporte, Trabou Boluntario ,Tecnologia y Media.

ATHA ta hopi agradecido na tur organisacion cu a yuda nomina hobennan cu a sobresali, ta prome biaha a haya asina tanto peticion di cual ta hopi positivo pasobra e trabou y logronan di e hobennan ta wordo admira y balora.
Un grupo grandi lo continua den un trayecto educacional di 6 siman den vakantie grandi di cual nan lo haya diferente workshop, actividadnan recreacional y crea nan propio proyecto.
ATHA ta felicita tur hoben cu nan nominacion y ta gradici tur instancia cu a yuda y comision organisatorio forma pa hobennan cu den pasado tambe a participa den Poder di Hubentud.
Durante vakantie grandi lo scucha mas di Poder di Hubentud y eventonan special dedica na nos hobennan di Aruba.





Source link

More in Aruba

A2Z ADMINISTRATION

AD

To Top