Connect with us

Asociacion di fisioterapista lo forma parti di plataforma di prevencion

Aruba

Asociacion di fisioterapista lo forma parti di plataforma di prevencion


Dialuna ultimo Minister di Salud Publico Sr. Dangui Oduber a reuni cu cu e Asocacion di fisioterapista (AVF) na bestuurskantoor. E tabata un bon reunion caminda e directiva a haya e oportunidad pa presenta nan puntonan di preocupacion pa cu cuido medico di Aruba na e mandatrio. E fisioterapistanan tin un rol hopi importante den henter e plan nacional di prevencion di malesanan di NCD’s.

Motibo di esaki ta cu den cuadro di e clinica di prevencion e fisioterapista lo tin e tarea importante pa duna guia den e estilo di bida cu un pashent mester hiba. Minister Dangui Oduber a mustranan riba e vision di Ministerio di Salud Publico cu ta basa riba e parti di prevencion. Di otro banda e mandatario a scucha algun punto di preocupacion di AVF. AVF ta desea di por traha mas di serca cu e dokternan di cas y tambe cu e specialistanan cu ta e segundo liña di cuido, specialmente ora ta trata di referi casonan agudo (acuut gevallen, casonan serio). Durante e reunion aki minister Oduber a splica cu NO lo saca physiotherapie for di e pakete di azv cual tawata un di e preocupacionan di e associacion. 

Minister Oduber a haci palabracion cu AVF, cu lo bay involucranan den e plataforma cu ta dirigi e plan nacional di prevencion di NCD’s. Di e manera aki nan por traha mucho mas di serca y di e manera aki acelera e parti cu ta referi e pashentnan den e cadena di cuido, drechando asina e proceso pa evita cu lo por tin tratamento cronico.

Otro punto cu AVF a trece dilanti na e mandatario ta e hecho cu e cantidad di pashentnan cu ta haci uzo di fysiotherapia a aumenta. Esaki ta debi na e edad di e poblacion cu a redobla, e accidentenan cu ta tuma lugar y tambe e pashentnan cu a haya COVID y mester di fisioterapista.

Minister Dangui Oduber a keda masha satisfecho con e reunion a bay caminda AVF a mustra boluntad di nan banda pa traha na mehoracion di e cuido akin a Aruba.





Source link

Click to comment

Leave a Reply

Your email address will not be published. Required fields are marked *

More in Aruba

To Top