Connect with us

Asesinato: A baha castigo di Pascual Brown for di 16 aña pa 10 aña y mey

Aruba

Asesinato: A baha castigo di Pascual Brown for di 16 aña pa 10 aña y mey


Corte a haya Pascual Brown di 22 aña culpabel di a kita bida di su amigo Richie Genao. A anuncia e decision aki awe merdia via di video call, unda e acusado tabata sinta den un sala na KIA pa scucha hues inform’e di e decision. 

Por corda riba cu riba 12 di april di e aña’ki den oranan di anochi autoridadnan a bay na e cas na Brazil, unda a topa cu Genao di 21 aña cu un tiro den cabes y no ta duna señal di bida.

Durante tratamento di e caso Pascual, kende tabatin dos acusacion bieu contra dje di otro delito, a sinti cu su amigo kier a mat’e. Esaki ta e motibo cu el a dicidi di bay prepara un arma pa ora cu e bay reclam’e. Sinembargo e no a yega baha bay cerca su amigo, sino a yega den forma scondi y a keda scondi na momento cu el a los un tiro riba Genao. Despues el a core bay.

Awe den Corte, hues a bisa cu e no ta haya proba e acusacion principal dif fiscal, pa locual ta asesinato premedita (planea). Si ta proba cu el a kita bida di un persona, cu ta su amigo for di tempo nan tabata chikito. E hecho cu e ta sufri di problema mental no ta kita su responsabilidad den e caso aki, hues a bisa. Mas pasobra psikiatra ta bisa cu e ta responsabel pa su actonan.  

Fiscal a pidi un castigo di 16 aña, mirando cu ta prome biaha cu e ta haya su mes den un caso asina. Pero hues a haya cu den un caso asina y e hecho cu pa Corte no a keda proba cu el a actua den forma premedita, a dicidi di impone un castigo di 10 aña y seis luna. Ministerio Publico no a dicidi ainda si nan ta bay apela e caso aki.

1n61a93d744352a8.41943173

E CASO DI ASESINATO

E caso aki a tuma luga dia 12 di april ultimo na Brazil. Richi Genao cu tabata sinta den veranda, a haya un tiro den cabes for di un arma den man di Pascual Brown, kende ta insisti cu nunca el a uza un arma. Pascual Brown ta kere cu su amigo Richi Genao lo kier a mat’e. Esaki pa motibo cu e tabata jaloers y ta kere cu e tabatin un relacion cu e amiga di dje (di Richi).

Den corte el a conta cu e conoce su amigo Richi for di tempo cu nan tabata chikito. E relacion tabata bon te ora cu Richi a conoce su pareha Liz. Richi di 20 aña a cuminsa uza y bende cocaina, cu ta algo cu e no tabata di acuerdo cu ne. A pesar cu nan dos hunto tabata uza XTC. Y e acusado tambe a admiti di ta huma marihuana.

E ta bisa cu e amiga di Richi tabata cont’e di nan problemanan intimo y nan discusionnan. Hasta dado momento a confesa cu e no kier ta mas cu Richi. “Mi a trata di intermedia den nan problema.” Esaki aparentemente a lanta e jaloersheid di Richi, kende “tabata mira mi cu wowonan straño,” e acusado a conta. Cierto momento el a sinti cu Richi a menas’e cu dos expresion cu el a haci riba facebook. “For di e mensahenan ey mi a compronde cu e kier bay haci algo contra mi.” 

Mas fuerte e sospecho aki a bira cu un amigo di Richi a bini su cas y a keda simplemente vigil’e y wak’e. “Ora cu mi a bay reclama Bato, el a core bay.” Bato ta amigo di Richi. Banda di esaki, segun el a conta, ora Richi ta droga e ta blo tira palabra.

Despues di acumulacion di miedo cu Richi kier a haci algo contra dje, el a bay confronta su amigo pero cu un arma. Sinembargo e no a confront’e y a simplemente yega di forma scondi y tira e amigo den cabes cu consecuencianan fatal. Despues el a huy for di e sitio y a deten’e algun dia despues. 





Source link

Click to comment

Leave a Reply

Your email address will not be published. Required fields are marked *

More in Aruba

AD

Advertisement

Trending

Advertisement
To Top