Connect with us

Arugas a marca e comienso di un era nobo cu un director nobo

Aruba

Arugas a marca e comienso di un era nobo cu un director nobo


Posted on 10/31/2021 6:47 pm AST | Updated on 10/31/2021 6:49 pm AST

(ADVERTORIAL)BARCADERA – Diabierna dia 29 di oktober a marca e comienso di un era nobo pa Arugas. E compania, cu ya ta existi pa 80 aña, a tene un evento festivo cu su empleadonan pa asina yama ayo na e director actual, Roberto Geerman y yama bon bini na su director nobo Paul Arends.Roberto Geerman cu tin riba 40 aña di servicio a lidera e compania pa mas di 25 aña y a sa di establece Arugas como un compania fuerte y resiliente. “Mi ta bay tin sapatonan grandi pa yena”, tabata palabranan di Paul Arends durante su speech pa tur esnan presente. Sin embargo, Paul ta sinti’e cla pa e reto nobo aki pasobra Roberto tabata un guia ehemplar y a prepar’e pa e por hiba Arugas na e siguiente nivel. Jan Harsveld, director di Bonick Gas & Oil Terminal tambe a hiba palabra y a conta di momentonan ameno y projectonan grandi cu a keda ehecuta durante e trayectoria di Roberto na Arugas. Jan no por a keda sin menciona con Roberto tabata keda traha te oranan laat di marduga pa asina sigura cu tur cos ta cana manera mester ta den e compania. Segun Roberto, “Arugas tabata y semper lo ta mi di dos cas”.Tur empleado di Arugas ta bay haya Roberto – miho conoci como Robby pa tur na Arugas – su falta masha hopi mes. E tabata un director cu a stima su trabou y e team di Arugas completo. Y awor e ta bay gosa di un pensioen bon mereci. Den palabranan di Frendsel Giel cu ta presidente di e hunta di supervision di Arugas Holding N.V. “Maske cu no ta awor imediatemente Robby ta bay gosa di su pensioen paso ainda nos mester di su conocemento y experticio, den futuro cercano si lo yega ora pa Robby gosa manera mester ta hunto cu su famia”.E evento tabata e oportunidad perfecto tambe pa Arugas hunto cu su hunta di supervision introduci su logo nobo na tur empleado y invitado presente desvelando un letrero nobo na su edificio principal. Un logo cu ta e simbolo di loke Arugas tin proponi pa logra den e siguiente periodo su dilanti. Un Arugas profesional y moderno cu semper lo tey pa su clientenan y awor moviendo den un direccion nobo. Arugas ta bayendo Beyond Gas! Usando palabranan di su director saliente Roberto Geerman, “Despues di 80 aña, esaki ta solamente e comienso”





Source link

Click to comment

Leave a Reply

Your email address will not be published. Required fields are marked *

More in Aruba

To Top