Connect with us

Aruba y Merca a acorda: Lo renegocia acuerdo di pre-clearance

Aruba

Aruba y Merca a acorda: Lo renegocia acuerdo di pre-clearance


Bou di mando di Minister di Turismo y Salubridad y tambe di Prome Minister di Aruba, un delegacion consistiendo di representantenan di  Ministerio di Turismo, Ministerio di Husticia, Director di Departamento di Relacionnan Exterior, Aruba Airport Authority, Embahada di Reino Hulandes y lidera pa Minister Plenipotenciario na Washington DC, a participa na un reunion consultativo cu Customs & Border Protection (CBP) y State Department riba e topico di US Preclearance na Aruba.

Aruba, como un di e prome paisnan na mundo, a negocia un tratado di pre-inspeccion di imigracion y duana cu Merca na aña 1994 y a logra establece e US Preclearance na Aeropuerto Internacional Reina Beatrix. E CBP Preclearance ta masha importante pa mantene e stabilidad y crecemento di turismo di Aruba, cu ta consisti pa su gran mayoria di bishitantenan Mericano.

CBP a expresa ya pa basta tempo e necesidad pa modernisa y amplia e tratado di Preclearance di aña 1994, entre otro falta di capacidad humano y limitacionnan presupuestario. Mirando e importancia di e US Preclearance pa e economia di Aruba, Gobierno a priotisa e topico aki y afirma su compromiso pa yega na renegociacion di e tratado.

Prome cu e reunion consultativo, cu a tuma luga na Washington DC riba dianan 20 y 21 di october, e partidonan envolvi a delibera en extenso riba topiconan di siguridad, aspectonan operacional y interpretacion legal. E reunionnan a bay den un ambiente constructivo durante cual ambos banda a expresa nan compromiso pa Aruba mantene e US Preclearance cu e condicion cu lo drenta den un proceso di renegociacion di e tratado pa por cumpli cu e exigencianan legal y operacional pa cumpli cu e demanda actual y cierto cambionan operacional.   

Partidonan a dileña un plan di accion detaya cu lo mester tuma luga prome cu e high-season venidero y prome cu e renegociacion di e tratado. E delegacion a expresa pleno confiansa cu e deliberacionnan lo conduci na un bon resultad, tanto pa Aruba como pa US CBP (Merca).





Source link

Click to comment

Leave a Reply

Your email address will not be published. Required fields are marked *

More in Aruba

To Top