Connect with us

Aruba Taekwondo Bond activo cu seleccion pa campeonato internacional

Aruba

Aruba Taekwondo Bond activo cu seleccion pa campeonato internacional


Den fin di siman “ARTBO” Aruba Taekwondo Bond a organisa Central Training na Centro Deportivo Libertador Betico Croes y varios atleta a presenta na e Central Training aki. Pa por representa ARUBA den cualkier evento nan Internacional di PATU, WT cu ta eventonan cu bo mester acudi na Central Training proyecto piloto. 

Central Training ta wordo duna pa atleta Olimpico Monica Pimentel y nos atleta Stuart Smit cu tin varios premio grandi internacional. Ambos atleta tin un trayectoria largo di premionan y amplio experiencia den Taekwondo.

ARTBO su maneho ta cu cada atleta mester presenta na e proyecto piloto aki di ARTBO pa ARTBO por evalua e atleta pa asina e por representa Aruba. Aruba tin dos atleta na nivel rango Mundial cu ta representando Aruba internacional cu ta Jenniffer Baez Garcia y Elliott Loonstra y nan no mester participa den e proyecto piloto.

Na luna di Augustus ARTBO ta bay tin e prome evento internacional pa e atletanan cu ta participando den Central Training. Pa e Taekwondo di Aruba sigui crece ARTBO ta pone Central Training cu un trainer internacional. 

Manuel Da Silva y Cornel Djaoen di Sport 30 a bishita e training y a entrevista Monica Pimentel. ARTBO kier a gradici ASU pa e colaboracion cu nan ta brinda na ARTBO y un danki na Sport 30 pa e bishita di cortesia.





Source link

More in Aruba

To Top