Connect with us

Aruba ta decor pa pelicula di Netflix

Aruba

Aruba ta decor pa pelicula di Netflix


Errol Nayci y Steven Hillenius di Storytellers Movie & TV a haci un bishita di cortesia na Minister Plenipotenciario Guillfred Besaril. Meta di e bishita ta pa informa e mandatario di filmacionnan cu lo tuma lugar e aña aki na Aruba pa e pelicula “Sea State 9”. Como cu e storia ta tuma lugar den e mundo di defensa, e filmacionnan ta principalmente na Marinierskazerne Savaneta.

Bernd Roelink, hefe di communicacion di Koninklijke Landmacht tambe tabata presente na e combersacion cu minister Besaril. Sr. Roelink a splica cu Ministerio di Defensa ta contribui na e produccion unicamente den brinda localidad pa e filmacionnan y materials y arma pa e actornan. Alabes sr. Roelink a bisa cu e motibo cu Ministerio di Defensa ta duna sosten na e proyecto aki ta pasobra e pelicula ta mik riba hobennan y pesey e por tin efecto bou di hobennan pa pensa riba un carera profesional den ehercito.

Sr. Nayci a splica cu lo tin filmacion na tres lugar, esta Curaçao, Saba y Aruba. E isla di Saba ta decor pa filmacion den selva, mientras cu na Curaçao y Aruba ta filma na base militar Parera y Marinierskazerne Savaneta. Ta planea pa haci filmacion na Aruba den e prome parti di luna di juli. E pelicula mes ta drey e prome kwartaal di 2023 den cinema y despues riba Netflix. Director di e pelicula ta Bobby Boermans, cu tambe tabata responsabel pa e serie di tv “Hoogvliegers”.

E proceso pa busca e elenco di actor y actriz nan ta andando y tambe e productornan lo haci uso di actor y actriz nan native. Minister Besaril a gradici e productornan di Storytellers Movie & TV pa e informacion riba e proyecto aki y a bisa di ta contento cu e pelicula aki lo duna un bista di Reino Hulandes, e paisnan cu ta forma parti di Reino y e rol importante cu Defensa ta hunga na e parti Caribense di Reino Hulandes. E mandatario a bisa cu e tambe ta spera cu e pelicula por interesa hobennan Arubano pa sondea e posibilidad di un carera skilled den ehercito di Reino Hulandes.





Source link

Click to comment

Leave a Reply

Your email address will not be published. Required fields are marked *

More in Aruba

To Top