Connect with us

“Aruba su turismo, su desaroyo, reto y oportunidadnan”a wordo comparti cu e gremio sindical

Aruba

“Aruba su turismo, su desaroyo, reto y oportunidadnan”a wordo comparti cu e gremio sindical


Recientemente a tuma luga un reunion entre Oficina di Turismo, A.T.A., y diferente sindicato na Aruba. Esaki tawata un iniciativa di Mediador di Aruba conhuntamente cu A.T.A. y e meta tawata pa informa e gremio sindical di reto y oportunidadnan mara na nos sector turistico.

Den transcurso di e ultimo 6 lunanan A.T.A. a presenta diferente tema y a combersa cu diferente organisacion, gremionan comercial, departamentonan di gobierno como tambe otro entidadnan importante na Aruba y den Reino. Considerando desaroyonan tumando lugar na e momento aki cu ta toca diferente sectornan, y cu por tin impacto entre otro riba nos turismo, pero potencialmente tambe riba e forma di biba di nos cada un aki na Aruba, mediador di Aruba a propone pa comparti e informacion aki cu e gremio sindical tambe.

Temanan cu a wordo toca ta entre otro elementonan inclui den e “Landspakket” manera e reforma fiscal como tambe inflacion, expansion di cambernan hotelero y e costo actual di un vacacion pa Aruba.

Considerando e importancia cu turismo tin riba nos economia, e temanan aki y e decisionnan rond di nan sigur ta clave pa nos presente y pa nos futuro y ta rekeri prudencia di nos banda. Mester tene na cuenta cu diferente cambio na caminda lo incrementa e costo di un vacacion pa Aruba, sin lubida e impacto cu
esaki lo tin riba nos mesun populacion y e costo di bida na Aruba.





Source link

More in Aruba

To Top