Connect with us

Aruba lo conoce un trio musical nobo

Aruba

Aruba lo conoce un trio musical nobo


Despues di dos produccion cu e grupo aki a lansa, a ricibi diferente bon comentario riba e musica y e concepto cu nan a presenta e produccion aki bou di e nomber 297 STRINGS. Esaki ta suficiente motibo pa cuminsa practica y prepara nan mes pa por sali y deleita e pueblo di Aruba y tambe su bishitantenan cu un musica hopi varia den nos mundo cultural pero alavez un musica diferente. Den nan reciente produccion a recauda fondo 100% pa instancianan of organisacionnan cu ta yuda den comunidad. Un bon musica y un bon concepto, sigur algo cu nos isla falta ta locual e trio aki ta bin presenta y ofrece, cual ta un musica di fondo ‘background music’ tocando solamente cu cuerde manera e cuarta, baho y mandolin, sin ta uza instrumento ritmico of otro ritmonan digitalisa.

Ta toca en bibo cu un variacion di musica bieu y nobo y diferente clasico internacional pero tambe nos musica popular crioyo. E trio aki ta consisti di Ivan Croes riba cuarta, Andy Martes cu e baho y Rubin Ponson tocando e mandolin cu ta presenta un musica  instrumental y hopi relahante, un concepto cu ta traha specialmente pa restaurant y ocacion special cu e musica suave pa nos hendenan local y tambe turistanan cu hopi biaha ta pidi pa e musica cultural y sigur den e formato aki.

Den proximo dianan por mira e videoclip di e trio aki riba youtube y scucha nan musica. E debut di e trio aki lo ta diasabra awor 13 di november di 7:00 pm pa 9:00 pm den e famoso restaurant den Palm Beach The Old Cunucu House. Nan lo presenta pa tur esnan cu ta saboriando nan plato preferi e anochi aki.

The Old Cunucu House ta esun cu tin e honor pa ricibi e trio aki y ta preparando manera semper su menu pa un y tur cu pasa e anochi aki y saboria un dushi plato di nan cumindanan varia den un dushi ambiente musical arubiano.

Nos ta desea e trio aki hopi exito den nan prome salida y spera cu e por cosecha hopi exito pa mantene nos cultura na halto.

E trio “297 STRINGS” y The Old Cunucu House ta spera boso diasabra pa un dushi cena den un ambiente pa relaha.





Source link

Click to comment

Leave a Reply

Your email address will not be published. Required fields are marked *

More in Aruba

To Top