Connect with us

Aruba, Corsou y Sint Maarten: Por registra p’e Colegio Electoral den Eerste Kamer pa persona no-residencia

Aruba

Aruba, Corsou y Sint Maarten: Por registra p’e Colegio Electoral den Eerste Kamer pa persona no-residencia


Hulandesnan Europeo residencia na Aruba, Corsou of Sint Maarten por vota na maart 2023 pa un eleccion nobo: e eleccion pa e colegio electoral p’e personanan no-residencia pa Eerste Kamer. Cu esaki e votadonan residencia den exterior tin un voto indirecto den Eerste Kamer. Registracion di antemano como ‘votado pafo di Hulanda’ ta necesario pa e motibo ey. Esaki ta posibel ainda te cu diamars, 31 di januari 2023.

Registracion ta facil. Bishita e website www.stemmenvanuithetbuitenland.nl y sigui e instruccionnan. Una bes bo ta registra como votado pafo di Hulanda, bo lo ricibi un confirmacion, automaticamente di e momento ey padilanti bo lo ricibi tur informacion di eleccion y documento necesario pa vota via post. Tambe ta necesario pa registra pa Colegio Electoral si bo persona ta registra caba pa eleccion pa Tweede Kamer y pa Parlamento Europeo.

P’e Hulandesnan residencia na Aruba, Corsou y Sint Maarten, ta aplica cu despues di ricibi e notificacion di nan registro di votacion (documento pa por vota) por pasa busca esaki na oficina di Vertegenwoordiging van Nederland.

Pa vota como persona no-residencia den exterior tin condicion aplicabel pa por vota den e Colegio Electoral den Eerste Kamer. Bo persona mester ta residencia pafo di Hulanda y no ta inscribi den un gemeente Hulandes, mester tin e nacionalidad Hulandes y tin 18 aña of mas. Adicionalmente e residentenan di Aruba, Corsou y Sint Maarten mester tabata residencia por lo menos 10 aña na Hulanda of ta den servicio gubernamental Hulandes na Aruba, Corsou of Sint Maarten, of ta forma parti di famia di mesun hogar di un persona cu ta den servicio publico Hulandes.

Mas informacion tocante Eleccion pa Colegio Electoral ta disponibel via www.stemmenvanuithetbuitenland.nl





Source link

More in Aruba

To Top