Connect with us

Aruba a sac’un man pa yuda polis di Corsou

Caribe

Aruba a sac’un man pa yuda polis di Corsou


WhatsApp Image 2024 06 01 at 9.53.27 PM

Relaciona cu e caso di asesinato di ayera nochi, den cual a tira un polis di Marechaussee mata den su cas dilanti su casa y yiu, ta percura pa basta tension den husticia na nos isla ruman. Gobierno di Hulanda ta basta indigna y ta poniendo presion enorme riba e cuerpo di polis di Corsou, pa nan busca y persigui e asesino mas pronto posibel. De lo contrario por spera cu polis di Hulanda ta tuma over mesora!

“Nos di Cuerpo Policial Aruba ta biba cu e famia di fayecido, Koninklijke Mareschaussee, koninklijke marechaussee como tambe Korps Politie Curaçao den e momento dificil aki! Na unda mester yudansa nos lo ta cla pa brinda y saca un man si esaki ta necesario”, asina Cuerpo Policial Aruba a skirbi riba nan pagina di Facebook awe.

Ta obvio cu Ramon Arnhem ta cla pa manda polis di Aruba pa bay “versterk” nan rumannan den blauw di Corsou, cu ta hopi conmovi pa e asesinato aki. Si Corsou lo acepta e man cu Aruba a saca p’e, no ta conoci ainda. Echo ta cu na e momento aki, tur man por yuda soluciona e caso lamentabel aki.

E susedido aki ta crea un percepcion cu polis no tin criminalidad domina na Corsou. Y pio awo cu a mata un polis Hulandes, ta hinca tur e islanan den Caribe Hulandes den un situacion dificil cu Madre Patria, net na momento cu e relacion ta bastante bou tension caba.

WhatsApp Image 2024 06 01 at 9.53.27 PM 1





Source link

More in Caribe

A2Z ADMINISTRATION

AD

To Top