Connect with us

Arthur Vallejo (MEP): Rivalidad entre Hospital y ImSan ta innecesario

Aruba

Arthur Vallejo (MEP): Rivalidad entre Hospital y ImSan ta innecesario


Keto bay ta haya cu ainda tin diferente mal comprondemento y pleito. Importante ta p’e personanan cu ta bezig ta haci tipo di dificultadnan aki pa nan compronde cu esaki ta deseo di pueblo, segun Arthur Vallejo, parlamentario di fraccion di MEP a splica durante un rueda di prensa di e partido.

Pueblo ta desea pa mira cooperacion entre e dos institucionnan. Pueblo no kier mira con un situacion ta cay den otro pa motibo cu esun mas grandi ta abusa di su poder y ta pone esun di mas chikito den situacion preta unda cu e no por ni sikiera haci procedemento.

Vallejo a comenta tambe cu minister di Salud tin un papel hopi importante pa intermedia entre e diferente institucionnan di salud pa caba cu rivalidad y pa pone bon cla cu en realidad loke ta buscando riba pais Aruba ta un cooperacion.

Actualmente ta buscando p’e institucionnan medico por logra bin brinda miho servicio cu un bon atencion y mas importante sin pone riesgo na salud di hende, el a splica.

Ainda no a tuma paso di e direccion p’e fusion entre e dos institutonan, esta hospital y ImSan. E mocion cu a pasa den e ultimo presupuesto ta urgi gobierno pa busca un persona independiente y imparcial cu lo por haci un estudio completo na Aruba, unda cu por mira cifra. Ora cu e decisionnan aki bin den parlamento, tur e parlamentarionan ta busca cifra, ta busca rapport y diferente otro tipo di informacion pa por controla y wak si ta tuma decision n’e miho interes di pais Aruba, ta loke Vallejo a splica. Ta importante pa tin diferente rapport traha prome cu tuma decision cu por tin implicacion hopi grandi pa cualkier otro institucion, el a splica.

Pa un mayor cobertura lesa TREMPAN





Source link

More in Aruba

To Top