Connect with us

Arthur Vallejo keto bay negociando cu ImSan pa trabou

Aruba

Arthur Vallejo keto bay negociando cu ImSan pa trabou


Desde algun luna por tende cu dokter Arthur Vallejo ta den combersacion pa bay traha na ImSan como kaakchirurg. E paralmentario ta interesa pa traha na ImSan y ta den deliberacion cu e director pa mira con pa cuminsa cu su practica priva.

Arthur Vallejo, parlamentario di MEP, a sigui bisa di a purba papia cu AZV riba e posibilidad pa cuminsa traha cu nan n’e parti di kaakchirurg. Esaki ta importante pasobra e no ta comparti e idea cu por ehempel hende ta stuur auto, accidente y kibra kaak, y mester biaha pa keda afo seis siman. Esey no tin sentido, pasobra aki mes tin persona capacita cu por haci e trabou. Esey ta e logica di henter e asunto, ademas di e costonan involucra, e biahe, tin di nan ta bay cu air ambulance.

Pa aña tin minimo cuarenta caso cu ta bay exterior via AZV. Tambe tur ortodentista na Aruba no tin apoyo di un kaakchirurg, nan ta purba drecha tur caso ortodonticamente sabiendo cu por ta e pashent mester di un cirugia. Nan ta hacie, pasobra nan no tin e sosten. Y e casonan cu nan no por drecha, ta esunnan cu ta bay afo. Tin hopi pashent cu mester di un kaakchirurg.

El a splica cu un trabou di kaakchirurg su trabou ta mas amplio y e ta haci esey na hospital. Pero tambe den su consultorio, e kaakchirurg ta haci cierto trabou di cirugia. E profesion di kaakchirurg ta existi pa shen aña y aki tin hende capacita pa haci e trabou. Esey ta importante, pero no solamente pa kaakchirurg. Na Aruba tin specialista den area dental cu ta specialista den mucha. Tin specialista dental Arubano cu ta specialista pa haci canal y den diferente hopi otro cos.

Hopi di nan ta purba bay AZV, pero ta bisa nan cu ley no ta reconoce un specialista pa dentista di mucha. E kier sa con mester wak e hendenan aki, manera un molester of un dicha? E ta un dicha pa tin e capacidad ey na Aruba pa por trata e pashentnan. Tin hopi trabou pa haci p’e revolucion, p’e hendenan nobo cu ta bay bin, specialisa y prepara den area di dentista.

Pa mas lesa TREMPAN.COM.





Source link

More in Aruba

AD

Advertisement

Trending

Advertisement
To Top