Connect with us

Art is Fun a exhibi mas di 150 obra pinta pa mucha

Aruba

Art is Fun a exhibi mas di 150 obra pinta pa mucha


Scol di Arte Art is Fun, cu tin un seccion aki na Aruba, a tene un exhibicion na The Ritz-Carlton, unda nan a mustra trabou di henter un aña, c’un mencion special n’e maestro Pablo Picasso. Nan a haci un escogencia pa Pablo Picasso como un inspiracion p’e muchanan cuminsa traha riba pintura, figura humano.

María Magdalena González, fundado di Art is Fun como movemento artistico, a splica cu Picasso ta un maestro cu por siña hopi di dje y p’esey nan ta bay sigui traha a base di tur su trabou di influencia. E muestra di Picasso ta algo hopi emocionante, pasobra por mira e muchanan desde cinco te diescuater aña ta imita Picasso.

Ta hopi importante pa mustra con e obranan dje muchanan a keda y tin mas di 150 obra. Tabata trata di trinta mucha di Aruba cu a haya e oportunidad di crece den arte. González a sigui bisa cu e arte ta compaña nan, cu arte sea su actividad di preferencia of compañero di preferencia. Nan tin un mision importante pa haci ademas di a entrega diasabra awards. Nan ta desaroyando arte digital, como futuro, e vanguardia di arte.

Eleonora Farci ta un artista y a conta cu su experencia ta hopi bunita. Semper el a gusta pintura. Durante un luna el a pinta shete pintura, pero tambe e gusta imaginacion y pop art. Farci gusta pintura, pasobra na momento cu e ta pinta e ta sinti su mes hopi relaha.

Johrainne Lacle-Giron, mama di Jobriel y Nivlainne, a splica cu su dos yiunan tin algun aña caba ta bayendo e scol di arte. Lacle-Giron ta mira cu su yiunan gusta arte y ta avansa den dje, p’esey e ta contento. Den scol e ta yuda nan hopi, pasobra nan tin hopi mas imaginacion, ta mas structura ya cu nan sa con pa pensa. Ta importante cu nan gusta y por mira cu nan ta avansa den esey tambe. Nan a yega na e scol aki door cu Lacle-Giron a mira riba Facebook informacion y el a tuma contacto cu e juffrouw. Asina ey el a hiba su yiunan pa un test cu a bay hopi bon y awo nan ta bayendo les pa un aña y un bes pa siman.

Loke Kaelan Richardson, artista, a gusta dje les ta cu el a pinta su prima, mama y tanta. E kier sigui bay e les y ta haya cu e les ta hopi leuk pa pinta. Tambe cu e kier bira un artista ora bira grandi.

Rapel Muntslag, mayor di Isora, a bisa cu el a ripara cu e muchanan a bay dilanti. Ya caba a tene exhibicion y a ripara cu e muchanan a cuminsa traha miho riba nan arte. E ta haya cu tabata algo bon cu a organisa e exhibicion.

Pa mas lesa TREMPAN.COM.





Source link

More in Aruba

To Top