Connect with us

Arends: Trabou di trahadonan di Serlimar garantisa te 2 di februari 2022

Aruba

Arends: Trabou di trahadonan di Serlimar garantisa te 2 di februari 2022


Posted on 11/10/2021 2:53 pm AST | Updated on 11/10/2021 2:57 pm AST

ORANJESTAD – Trabou di trahadonan di Serlimar ta garantisa te 2 di februari 2022. Despues di esey, e minister encarga Ursell Arends, no por bisa. Asina e mandatario a bisa diaranson merdia den reunion du Parlamento ora cu e tabata contesta pregunta di parlamentarionan. E mandatario a confirma cu dia 2 di februari 2022 e surseance van betaling ta termina y ta huez ta dicidi si despues ta sea prolonga e status aki of ta declara e compania bancarota, si no por mustra un plan activo convincente di restructuracion di e compania. 

TRABOU

Loke cu e mandatario kier men, ta cu di awor pa e fecha menciona, tur trahado di Serlimar tin nan trabou garantisa. Despues, e no sa kico lo pasa, y si e trabou di trahadonan ta garantisa. 

KWIJTSCHELDING

Riba pregunta di partido AVP riba kwijtschelding di e debe di e compania, e mandatario a bisa cu bou di su ministerio, esaki lo no sosode pasobra un supuesto kwijtschelding lo haci e situacion aun mas pio y ta crea un precente politico no deseabel. E ta mustra e ora cu si tin problema den un compania, gobierno semper lo ‘rescata’ esaki di su problemanan. Algo cu no mester ta asina. Pues por a compronde cu kwijtschelding di e debe (total di 20 miyon) no ta un opcion pa e minister. 





Source link

Click to comment

Leave a Reply

Your email address will not be published. Required fields are marked *

More in Aruba

To Top