Connect with us

Arco Iris Kleuterschool a celebra 25 aña di servicio di dos docente 

Aruba

Arco Iris Kleuterschool a celebra 25 aña di servicio di dos docente 


Arco Iris Kleuterschool a celebra 25 aña di e docentenan Mariebelle Arendsz y Nyree Hart. E celebracion tabata teni na scol entre e cabesante, docente, famia y e muchanan.

Mariebelle Arendsz, docente di Arco Iris, a conta cu e tabata contento cu su coleganan a honr’e, specialmente cu e alumnonan. Na momento cu e muchanan a cuminsa canta, segun Arendsz, e no por a wanta cu su wowonan a yena cu lagrima. Den 25 aña el a mira cambio grandi. E muchanan di antes tabata hopi mas keto, no tabata spontaneo y bisa loke nan tabata pensa, pero mas tabata sinta y scucha.

E generacion di awe ta completamente diferente, pasobra nan ta hopi spontaneo y mondig. El a sigui contra cu e muchanan ta bisa loke nan ta pensa. Esey ta loke e ta gusta, pasobra tempo cu e mes tabata chikito, e tabata keto y no tabata durf di bisa nada. El a sinti cu e generacion tin algo di bisa, nan ta reclama y esey ta algo bon. Tin di siña respeta mucha cu nan opinion.

Su dia ta drecha completamente na momento cu e mira su muchanan. E no ta facil pa bay lag’e, pero tin biaha mester di un break. Binticinco aña tratando cu mucha toch mester di un break, pero di otro banda e sa cu si e haya e break ey, e ta sinti bashi ora cu e no ta na scol cu e muchanan. El a yega di traha den oficina, y e ta corda di mira su coleganan cu e muchanan y esey a duel e, pasobra e no tabata cu su muchanan.

E ta gradici na casa di un primo cu semper tabata t’ey p’e. Tambe su rumannan cu a apoy’e. E no por lubida riba su mentor Ingrid Lande, kende a durf di lag’e haci loke e tabata kier.

Nyree Hart, docente di Arco Iris, a conta cu e dia tabata sinti uno special, pasobra e muchanan di klas a canta, nan a traha e cantica y train scondi pa nan. E tabata hopi great di por tabata recorda di ta trahando pa 25 aña den gobierno.

El a sigui conta cu e tin binti aña den enseñansa y e antes e klasnan tabata mas chikito. Awo nan ta mas grandi y e muchanan ta completamente diferente. E balor y e cosnan di cas tabata mas hinca y esey falta hopi awendia. E muchanan no tin e balornan y e docentenan mester bolbe hinca nan esey. Nan ta juffrouw di scol ta bira tambe nan mama, nurse, nan guia.





Source link

More in Aruba

To Top