Connect with us

Aquannette Gunn (MAS): Ley di RWZI falta claridad y transaprencia

Caribe

Aquannette Gunn (MAS): Ley di RWZI falta claridad y transaprencia


E sesion parlamentario diahuebs, caminda cu a aproba e ley di RWZI, a genera controversia y critica di parti di miembro di fraccion di MAS, Aquannette Gunn. El a expresa su preocupacion p’e falta di transparencia y claridad den e proceso di aprobacion di e ley aki.

Segun Gunn, e reunion tabata largo pero tabata falta di un debate substancial riba e tema crucial en cuestion. E ta lamenta cu hopi colega no a probecha e oportunidad pa discuti adecuadamente e detayenan di e ley, convirtiendo e sesion den un serie di atake personal y desviando e atencion for di e contenido real.

Un di e preocupacionnan principal di Gunn ta keda den e falta di claridad den e base di ley. Durante e consultanan cu e diferente partinan interesa, incluyendo Utilities Aruba, su fraccion a pidi imas informacion riba e aspectonan financiero y e caso di negoshi tras di e ley. Sinembargo e peticion di claridad no tabata suficientemente atendi, loke a genera duda riba e confiabilidad berdadero di e medida.

Gunn tambe a señala e falta di transparencia dene proceso legislativo. El a destaca cu e gobierno no a proporciona documento crucial na tempo p’e parlamentarionan por revisa nan adecuadamente y participa den e debate cu pleno conocemento di causa. E falta di transparencia aki, segun  Gunn, ta mita e legitimidad di e ley y ta dificultad e sosten di su fraccion.

CK9A4131 1

Fuera di esey, Gunn a enfatisa den e preocupacionnan treci dilanti pa Raad van Advies riba e falta di un cuadro legal y financiero adecua, como tambe e necesidad di evalua corectamente e metodo di cobramento n’e usuarionan. No a atende e preocupacionnan aki satisfactoriamente p’e gobierno, loke ta genera ainda mas n’e incertidumbre riba e implementacion y efectividad di e ley di RWZI.

Resumiendo, e aprobacion di e ley di RWZI tabata obheto di critica di parti di Aquannette Gunn, debi n’e falta di claridad, transparencia y base solido. E preocupacionnan aki ta trece duda serio riba su confiabilidad y efectividad di e medida, como tambe riba su legitimidad den e proceso legislativo.

CK9A4157





Source link

More in Caribe

A2Z ADMINISTRATION

AD

To Top