Aquanette Gunn (MAS): Gobierno mester stipula un “minimum uurloon”

Diahuebs a tuma un luga un reunion cu Minister di Labor, Glenbert Croes, riba peticion di Parlamento tocante e “minimum uurloon.”

Aquanette Gunn, miembro di e Fraccion di MAS den parlamento,  mester bin c’un “minimum uurloon” unda cu ta stipula cuanto un persona cu ta haya un persona cu ta haya un salario minimo mester gana pa ora. Ley ta stipula cuanto  un persona cu ta gana minimumloon ta gana. Pero den e mesun ley aki, ta para c’un persona cu ta traha 40 te na un maximo di 45 ora, a base di esaki aki actualmente un persona cu ta traha 40, 42 of 45 ora ta gana e mesun salario miminimo, entrante 1 di januari 2024.

Esaki no ta husto.

Ora di bay traduci na cuanto e persona ta gana pa ora,e ta un otro uurloon di un persona cu ta traha 40 ora. Den otro constelacion, e studiantenan cu tin un trabou despues di scol, e hobennan aki ta gana entre 7 florin pa 8 florin pa ora. Y parlamento kier mira cambio den esaki y pa e uurloon mester por conta cu tur hende cu ta desplega un of otro trabou.

Parlamento a haya un presentacion y a puntra e minister di con ta para cu esunnan cu tin 16, 17 aña unda cu e doño di trahado ta stipula cuanto nan ta paga e hoben pa ora. E ora no ta papia di husticia. SI kier trece husticia y caba cu inhusticia, mester trece cu, sin importa cuanto aña e hoben tin, e mester gana e mesun salario pa ora. 

Pa mas, lesa TREMPAN.