Connect with us

Apertura festivo di Isidel Beach Park Bonaire

Caribe

Apertura festivo di Isidel Beach Park Bonaire


Boneiru

Apertura festivo di Isidel Beach Park Bonaire

KRALENDIJK – Djadumingu mèrdia a selebrá na un manera festivo apertura di Parke Isidel. Hopi bishitante a bishitá e  proyekto ku a dediká hopi aña na dje. E parke i playa ku ta aksesibel grátis pa tur hende, ta ofresé hopi fasilidat.

Un lugá pa barbekiú, kioskonan, un bahada pa baha bo boto na laman, palapa pa por rekreá bou di dje, un restorant i un sitio kaminda muchanan por hunga. Esaki ta un par di ehèmpel di e posibilidatnan ku Parke Isidel ta ofresé su bishitantenan.

isidel park bezoek opening

Hopi bishitante a bin sera konosí djadumingu atardi ku Isidel Beach Park.  Foto ABC Online Media

Arkitekto Farley Virginia a tuma djestres aña pa realisá Isidel Beach Park. For di 2011 e tabata embolbí kaba den e proseso pa desaroyá un parke públiko entre Chogogo Dive & Beach Resort i Den Laman Condominiums. E arkitekto ta mira ku satisfakshon bèk riba realisashon di e parke: “E no ta kla ainda. E mata- i palunan mester krese ainda. Tambe mester krea ainda un edifisio pa empresanan ku ta buska espasio pa ofisina. Mester finalisá kaminda ta baha e botonan na awa. Tambe e palunan di lus no ta kla ainda. Otro siman nan ta yega akinan. Mi ta kere ku aki dos luna tur kos ta definitivamente kla. Mi ta satisfecho ku hopi kos den e parke aki. Banda di esei e reakshonnan, ku mi ta tende aki ayá, ta hopi positivo”.

isidel park overzicht

Parke Isidel ta duna posibilidat na diferente gruponan meta. Foto: ABC Online Media

Playa ku a konstruí aprobá 

Segun Virginia a pensa riba hopi kos: “E santu ku bo ta mira aki ta prosedente di Kòrsou. A tèst e. nos ta yam’é santu sertifiká. E ta kumpli ku tur eksigensia. Pero tambe a traha un liña di laman haltu, ku ta duna e oportunidat na un bishitante desabilitá pa alkansá e awa”. E liña di laman haltu ta pèrkurá ku ora bientu bira i ora di laman haltu, kosta ta keda protehá.

Aksesibel pa tur hende

Arkitekto Virginia ta wak ku orguyo bèk riba un proseso ku e ta kere  ta bai duna balor na e isla Boneiru: “Nos a krea algu ku ta interesante pa diferente gruponan meta. A pensa riba hendenan desabilitá, hóbennan, muchanan i por ehèmpel hendenan grandi òf hendenan ku difikultat pa kana”.

Sinembargo e proseso no a parse tur ora fásil den e fase final.  Banda di haña e pèrmitnan, Virginia a mira tambe retonan den diseño di e parke: “Nos tabatin promé un plan ku tabata parse kon akinan tabata antes. Bon mirá nos kier a krea un situashon ku tabata parse Sunset Beach bieu. Ku otro palabra, nos tabata ke akinan un bunita playa ku santu ku ta drenta bai laman. Ku e leinan vigente aktualmente na Boneiru,  nos no por a logra esei. Si nos a traha un tipo di kaminda, ku ta duna personanan desabilitá tambe e oportunidat pa drenta laman”.

Playa públiko 

Ku apertura di e Beach Park, ta parse ku e kaminda pa direkshon di e playa públiko ku ta situá dilanti di Chogogo Dive & Beach Resort ta habrí atrobe. Lunanan largu Chogogo a tene e portanan será riba por ehèmpel djadumingu. Bishitantenan mester a kumpra un pas di dia pa por a yega e playa públiko. Esei tabata remarkabel. Henter e kosta di Boneiru ta liber i aksesibel  pa públiko. Apertura di Isidel Beach Park ta duna oportunidat atrobe pa por alkansá e playa públiko  ku ta situá parti patras di Chogogo.


67



Source link

More in Caribe

A2Z ADMINISTRATION

AD

To Top