Connect with us

APERTURA DI SENTRO DI OPERASHON KRUS KÒRÁ BONEIRU

Caribe

APERTURA DI SENTRO DI OPERASHON KRUS KÒRÁ BONEIRU


Kralendijk – Krus Kòrá Boneiru den presensia di invitadonan a hasi apertura ofisial di nan sentro di operashon na Antriol pariba. Na e apertura presidente di Krus Kòrá Boneiru, Rignald Marchena, a trese dilanti den su diskurso ku tabata 37 aña pasa, riba inisiativa di Lions Club Boneiru, presedí pa Pierre Boi Chatlein, ku a start ku Krus Kòrá Boneiru.
P’esei na entrada di e edifisio tin dos kabes di un leon ku ta representá e defensa di Krus Kòrá i representá Lions ku ta esun ku a kuminsá ku Krus Kòrá na Boneiru. Na aña 2019, ku yudansa di Ondersteuning Fonds Zorg, Welzijn en Spòrt Nederland, a kumpra e edifisio i poko poko a kuminsá drecha esaki ku yudansa di krus Kòrá Hulanda i otro instansianan di Boneiru.
Gezaghebber Edison Rijna kende a hasi e apertura ofisial di e edifisio a trese dilanti ku momentu ku su persona a bira gezaghèber shete aña pasa su persona a ser pone na altura ku e ta responsabel pa kombatimentu di krísis i kalamidat riba nos isla. E tempu ei e no tabatin niun eksperensia atministrativo. Danki na amigunan ku ta den Krus Kòrá su persona a logra hopi. Esaki ta e motibu ku e ta para kla pa yuda Krus Kòrá tur momentu ku esakinan presentá pa yudansa òf kualke sugerensia. Finalmente gezaghèber huntu ku Rignald Marchena a firma un akuerdo di Memorandum of Understanding ( MOU).






Source link

Click to comment

Leave a Reply

Your email address will not be published. Required fields are marked *

More in Caribe

To Top