Connect with us

All to Car a ricibi otro cargamento di auto nobo

Aruba

All to Car a ricibi otro cargamento di auto nobo


Pa tur esunnan cu tabata sperando riba dje, All to Car a caba di ricibi un otro cargamento di auto nobo, den e caso aki autonan SUV. A yega diferente auto, di diferente color: shinishi, blauw, blanco etc.

Manager Director di All to Car, Kenneth Wever, a indica cu All to Car a ricibi un stock nobo di e modelonan Changan CS-15, pero tambe CS-35 cu ta e modelonan mas ekipa. Ta modelonan crossover, cu ta un poco mas chikito c’un SUV. Tambe a yega pick-up, cu motornan excelente, gasolin y diesel, tambe manual y tambe automatico, depende di e smaak di e cliente.

Angel Rojas, Gerente di Benta, a splica un poco mas di e CS-35: un SUV/crossover ful ekipa, cu tur su featurenan, c’un camara 365 grado, c’un dak panoramico.  Rojas ta convenci cu e modelo aki lo bay haci un impacto ariba mercado di Aruba y su prijs ta cuminsa na AWG. 46.990,- y ta ofrece 100% di financiamento.  Tin algun oferta di 5.5% d interes. Pasa cerca All to Car, yena bo peticion y lo cuminsa di biaha cu e proceso. Pa esunnan cu tin un downpayment, e cuota pa paga ta baha tambe. Mas halto bo pone un downpayment, menos e cliente ta bay paga pa luna. Tin algun banco cu ta financia di entre 5 pa 6 aña.

Mas aleu, Rojas a bisa cu e demanda pa auto Changan ta hopi halto. Mundo henter y Aruba no a keda atras, cu ta bin bek di un periodo di pandemia cu tabata un temporada basta duro, unda cu tabata tin un escasez di auto.  Actualmente a cuminsa ricibi auto mas frecuentemente.  Tambe nan tin modelo extra den stock. Constantemente,  cada luna ta ricibi auto nobo.

All to Car tambe tin pick-up den stock, di diferente modelo. Esun mas gusta actualmente ta e pick-up Hunter.  E ta un modelo hopi moderno, cu tin diferente features di luho. Actualmente den stock nan tin e 4×4 Diesel, standard, cu ta hopi den demanda.

Pero tambe nan tin e modelo un poco mas suave, cu ta automatic, 2×4 cu ta core mas suave, c’un motor Mitsubishi, cu ta core mas suave pero cu mesun forsa, motor bluecore. Ta motornan cu ta hopi eficiente den consumo y tambe low emission.

Tambe All to Car tin modelonan di AWG. 36.900 bay ariba, tambe AWG. 46.900 cu ta e CS-35 cu a yega. Tin e pick-upnan CS-15. Apart di esey nan tin tambe e autonan cu ta core cu coriente y scooter electrico. Financiamento ta posibel pa tur esakinan.

All to Car ta situa riba L.G. Smith Boulevard 114, schuins dilanti Aruba Ports Authority y ta habri for di 8:00am te cu 6:30pm. E cliente por pasa na cualkier momento y tambe nan ta traha cu tur banco.





Source link

More in Aruba

To Top