Connect with us

Alan Howell: “Mi ta inocente”

Aruba

Alan Howell: “Mi ta inocente”


Manera ya a anuncia awe den oranan di merdia, a detene Alan Howell como sospechoso den caso Diamante. Pa ta exacto 5:59 pm Howell a sali for di oficina di Landrecherche deteni y escolta pa e personal di CEA.

Na su salida el a declara cu: “Mi ta inocente.” Den camisa cu carson fini el a subi e transporte di CEA y djey a transport’e pa warda di polis.

Mr. Rossi Marchena ta represent’e den e caso aki. Marchena tabata masha limita cu su declaracion, unico cos cu el a comenta ta cu; e dia a bay manera debe ser y tur cos a cana nechi. El a subraya cu Howell ta trankilo. 

Caso Diamante

Tabata dia 30 di maart 2021 cu, riba ordo di ministerio publico, a pone beslag riba cuenta bancario di Fraccion POR. 

E beslag ta relaciona cu posibel iregularidadnan den e fraccion. Algun tempo prome a drenta un asina yama MOT melding (melding ongebruikelijke transactie) na Ministerio Publico. E lo ta trata di iregularidadnan referente maneho di placa riba un cuenta bancario di un fundacion di e fraccion di POR den Parlamento di Aruba.

Riba ordo di Procurador-General, a investiga mas aleu door di Landsrecherche di Aruba y esey a hiba na un sospecho di malversacion. Mirando cu e placa riba e cuenta aki ta forma parti di fondonan publico y Ministerio Publico kier evita cu e placa aki lo disparce di un manera of otro, a pone beslag riba algun cuenta cu te na e momento aki a aparece den e investigacion.

Riba e mesun dia, den ora di atardi, mr. Evelyn Wever-Croes, Prome Minister di Aruba, a informa cu e lo entrega retiro di Gabinete Wever-Croes

Un siman despues, riba 6 di april; den un declaracion, Alan Howell a menciona cu si el a manda placa pa su mes, tabata unicamente como ‘voorschot’. Despues, riba 14 di april, e ex-parlamentario a presenta na Landsrecherche pa duna un declaracion. Alan Howell a sali hopi contento y satisfecho di e combersacion cu e tabatin na Landsrecherche, unda cu e por a trece su banda di medaya, caminda cu el a bin cu tur documentacion, pa asina aclaria tur duda.

E ex-altocomisario Vanessa Tjon-Kock riba 6 di juli a duna ordo di suspension, esaki a pone cu Howell no lo por a presenta na ningun ward’i polis, ni tampoco uza ningun auto di Cuerpo Policial Aruba.

Dia 10 di september ultimo, Landsrecherche y Recherche Samenwerkingsteam (RST) a haci un entrada hudicial den cas di periodista Farrah Boekhoudt den Papayastraat den cuadro cu e mesun caso aki.

Poco prome cu merdia, riba 10 di november, a detene Alan Howell na Landsrecherche.

Alvin Alfonso Howell y Jacqueline Deborah van Putten, ambos ta candidato di partido POR y hunto ta forma parti di e directiva di e fundacion.





Source link

Click to comment

Leave a Reply

Your email address will not be published. Required fields are marked *

More in Aruba

To Top