Connect with us

AHATA cu curso special pa personal di cushina

Aruba

AHATA cu curso special pa personal di cushina


E sector di HORECA na Aruba tin dificultad di haya personal di cushina, specialmente coki (chef). Aruba Hotel & Tourism Association (AHATA) ta busca solucion pa su miembronan por tin un cushina capacita pa sirbi su clientenan. Den colaboracion cu SVH (Stichting Vakbekwaamheid Horeca), e fundacion reconoci na Hulanda pa educacion y certificacion den hospitalidad, AHATA ta ofrece un curso di “Kitchen Mentorship” na tur hotel y restaurant miembro. 

E curso di 3 dia lo tuma lugar na april, y ta prepara cada participante pa bira un “leermeester” acredita den cushina. Cu lider certifica como leermeester den cushina, e compania tin mas oportunidad pa desaroya y cultiva personal nobo cu tin menos experiencia.

Danki na sponsorship di AHATA, Aruba Marriott Resort y Hyatt Regency Aruba, e curso exclusivo ta ofreci na un prijs hopi atractivo. 

Como un asociacion di dunador di trabao cu ta traha pa e sosteniblidad di Aruba su turismo y economia, e curso “Kitchen Mentorship Program” ta un di e diferente maneranan cu AHATA ta sigui sostene su miembronan y yuda mehora nos producto turistico. 





Source link

More in Aruba

AD

Advertisement

Trending

Advertisement
To Top