Connect with us

Acusado sospecha di tuma pisca fo’i boto stranhero

Aruba

Acusado sospecha di tuma pisca fo’i boto stranhero


Awe mainta corte a trata caso di Alberto Roberto Laveist, kende ta acusa di a tuma pisca fo’i boto stranhero na dos diferente ocasion aña pasa. Riba esaki abogado defensor mr. Gabri de Hoogd a bisa cu ta acusa Laveist di tuma e piscanan aki y a trece esakinan Aruba. De Hoogd a bisa si cu corte no a dicta sentencia, pues e hues lo tin cu bay delibera y pa dia 11 di november lo bin cu un sentencia corespondiente.

Ministerio Publico a bisa cu teniendo na cuenta e lapso di tempo, no ta posibel cu Laveist mes a pisca e piscanan aki y cu ta p’esey ta probabel cu el a tuma esakinan for di un boto stranhero. De Hoog a continua bisando cu defensa a argumenta cu si ta posibel y cu tin hasta testigo den ambos ocasion cu Laveist mes a pisca esakinan, haci nan limpi y trece nan abordo. Pues asina ta di nota cu e ponencia di ministerio publico y di defensa ta net contrario di otro.

De Hoogd a añadi cu e imagennan di radar, un prueba importante, no t’ey, pues cu a destrui esakinan y cu e ta haya esaki un poco straño cu ta net riba dia cu a yama tanto e y su cliente aden pa despues bin haya sa cu esakinan no ta exisiti mas. Pa ambos acusacion, fiscal a pidi un boet di AWG 3000 pa cada delito mientras defensa a pidi vrijspraak.

Pa cobertura mas amplio lesa edicion di TREMPAN mañan.





Source link

Click to comment

Leave a Reply

Your email address will not be published. Required fields are marked *

More in Aruba

To Top