Connect with us

Accion contra recorte di salario a continua awe mainta!

Aruba

Accion contra recorte di salario a continua awe mainta!


Posted on 12/16/2021 9:37 am AST | Updated on 12/16/2021 9:39 am AST

ORANJESTAD – Miembronan di 13 sindicato a continua cu nan accion contra recorte di salario, ubicando nan mes na e plein dilanti Juliana School. Mientrastanto rond di 9’or y mei, esnan den accion a cuminsa mobilisa rumbo pa Bestuurskantoor. For di e lider sindicato sr Henriquez di SIWA, a compronde cu e accion aki ta henter dia y no solamente ‘algun ora’. Pa loke ta docentenan, a compronde cu tin cu ta celebrando pasco cu nan alumnonan y cu despues nan lo acudi na e accion tambe. E departamentonan cu ta den accion tin tur caminda bou di ‘minimale bezetting’ pues ainda no tur cos ta plat. Segun SIWA su presidente, lo escala esey si pa comienso di otro aña ainda no tin un solucion. 

AYERA

Tabata ayera ora cu Gobierno a contesta e sindicatonan cu nan mester di mas tempo, por lo menos te diabierna, ora cu Conseho di minister di Reino dicidi riba e asunto aki. E ora numa gobierno di Aruba por tuma su decision. Ademas, riba e peticion di sindicatonan pa no aplica e regla di ‘no work no pay’, gobierno a bisa cu nan mester di mas tempo tambe pa dicidi riba esaki. Tur esey tabata suficiente pa e sindicatonan yama tur nan miembronan cu e mensahe cu ‘accion ta sigui’. Lesa e carta di Gobierno AKI.





Source link

Click to comment

Leave a Reply

Your email address will not be published. Required fields are marked *

More in Aruba

AD

Advertisement

Trending

Advertisement
To Top