Accion a paralisa: Grupo di taxista evaluando siguiente paso

Despues di e conferencia di Minister di Transporte Ursell Arends, e grupo di taxista cu e ultimo dos dianan no a tuma un decision mesora kico ta bay haci. Cada un a sigui e conferencia for di nan cas of nan celular.

Na yegada di e team 24ora.com na ex-Bushiri Hotel, a topa cu un bista diferente cu e ultimo dos dianan. E cantidad di taxistanan cu a yega na e sitio tabata hopi menos. Durante e transmision mes y yegada di nan vocero Linda Orman, no tabatin ni dies taxista na e sitio.

Niun kier a duna un declaracion, pasobra prome mester haci un evaluacion di cual ta e siguiente paso cu nan ta bay dal.