Accidente pa falta di preferencia na t-weg Shaba cu persona leve herida

Dialuna atardi n’e crusada di Shaba pa bay Bubali pabou di frans figaroa a sosode un accidente pa falta di no duna preferencia. Un dama chauffeur den un mitsubishi outlander a subi e crusada y aki un mitsubishi sedan biniendo fo’i nort ta dal duro den e suv.

Ambos auto a haya daño material, e dama den e mitsubishi shinishi a resulta levemente herida, ambulance a presenta pa un control medico. Polis motorisa y di Noord a presenta y a cera parti di e caminda. Na final e autonan kibra a keda kita foi caminda.