Connect with us

Abehanan agresivo a ataca doño di cas na Tamarijn

Aruba

Abehanan agresivo a ataca doño di cas na Tamarijn


Ambulance a bay cu urgencia awe tardi pa mas of menos 4:15 pm na un adres den Tamarijn pa un suceso cu abeha. Parce cu un persona a topa cu un neishi di abeha y cu nan a sali brabo riba dje, pic’e y lag’e cu hopi dolor atras. A bati alarma mesora pa e caso aki.

No menos di dos ambulance a yega na e sitio na mes momento cu demas famia tambe a yega pa mira con por duna un man. Despues di un rato un di e ambulancenan a bandona e sitio. Paramediconan a keda basta rato paden ta evalua y trata e victima. Na final a dicidi di no bay cu ne hospital. Probablemente e no tabata di asina grave manera a pensa na un prome instante.

No ta conoci si ta un neishi conoci of a descubri un neishi nobo, cu a pone cu e abehanan a sali agresivo asina riba e victima. A keda di informa e instancianan concerni cu ta atende cu abeha pa duna e famia un man pa hiba e neishi for di eynan mesora.





Source link

Click to comment

Leave a Reply

Your email address will not be published. Required fields are marked *

More in Aruba

To Top