Connect with us

A tira droga for di bentana: Persecucion dramatico a caba cu detencion

Aruba

A tira droga for di bentana: Persecucion dramatico a caba cu detencion


Team di aresto den un accion formal riba caminda di Aruba. Un persecucion cu a pasa den diferente bario a bin caba na Alto Vista cu un persona femenino deteni.

Un poco prome cu 4:00 pm a cuminsa drenta informacion di comunidad cu tin un persecucion andando y cu mester a baha caminda pa evita lo peor. Esaki tabata relaciona cu un entrada hudicial relaciona cu caso di droga, cu a bira un persecucion, cu team di aresto tabata efectuando cu a pasa entre otro den Santa Cruz, Piedra Plat y caba na Noord.

Team di aresto cu detencion na Alto Vista. Un persecucion den Noord cu arma di candela envolvi. Click link pa lesa mas https://24ora.news/3oVexjf

Posted by 24ora on Tuesday, December 14, 2021

Na Alto Vista a tuma nota di un Nissan Versa cu basta daño material. Informacion cu tin te na e momento aki, ta indica cu un entrada hudicial lo a bira algo mas peligroso. Inicialmente tabata papia di un persona den un vehiculo cu lo a tira un arma di candela for di bentana durante persecucion den area di Papaya, Paradera. A logra para e vehiculo den area di Alto Vista y detene un persona femenino. A constata despues cu tabata trata di droga cu a tira for di vehiculo.

No ta descarta cu lo tin mas hende envolvi. Locual cu ta sigur ta, cu e persecucion aki tabata uno dramatico pa e chauffeurnan riba caretera, cu mester a baha caminda pa evita impacto frontal cu dicho autonan envolvi.

No tin informacion ainda riba e caso pero e team di 24ora ta riba caya na e momentonan aki buscando confirmacion di tur detayes relaciona cu e detencion relampago aki.





Source link

Click to comment

Leave a Reply

Your email address will not be published.

More in Aruba

To Top