Connect with us

A presentá promé plannan pa sentro di kuido duradero den bario di Amboina

Caribe

A presentá promé plannan pa sentro di kuido duradero den bario di Amboina


Boneiru

A presentá promé plannan pa sentro di kuido duradero den bario di Amboina

Anjelica Cicilia (di dos na man robes) ta skucha ku atenshon e presentashon di Carlo Abdul (man drechi).

KRALENDIJK – Un sentro di bibienda nobo ku lo mester bai realisá, situá den bario di Amboina, lo kontribuí na kuido pa grandinan den komunidat. Arkitektonan ENZO a presentá luna pasá e promé plannan. Na 2025 nan ke guia e proyekto ku na promé instante ta ofresé kas na 90 hende grandi. 

Un pregunta for di ZW-groep Boneiru a pèrkurá ka Arkitektonan ENZO di Burgerveen a bini ku un promé diseño pa kasnan pa grandinan den e bario Amboina. Den koperashon ku Entidat Públiko Boneiru e ofisina di arkitekto ta spera di kuminsá na 2025 ku e konstrukshon. Propietario Carlo Abdul no ta un deskonosí riba e isla. El a biba na Boneiru te ku su 17 aña.

E sentro di kuido lo ta situá riba un parsela grandi na e kparti pabou di kaminda Hanchi Amboina. E tereno ta ofresé espasio pa diferente funshon, manera agrikultura, fasilidatnan di deporte i un skol. Abdul ta aklará: “E loke nos a presentá ta e promé ideanan. E plan urbano no ta definitivo ainda. Nos ta trahando riba un plan maestro i un plan di parselashon pa e área.”

Wooncentrum Amboina 2
A presentá promé plannan pa sentro di kuido duradero den bario di Amboina

Espasionan den aire liber i bientu ta importante 

E plan ta kontené 90 bibienda, konsistiendo di studionan te komplehonan di bibienda, kaminda kada habitante tin un propio kamber, kushina i espasio den aire liber. Abdul ta enfatisá e importansia di integrashon den e komunidat: “E no mester parse un sentro di kuido tradishonal. Habitantenan mester forma parti di e sosiedat, ku èkstra espasionan den aire liber kaminda nan por bini huntu.” Ta parse pues ku uzo di espasionan den aire liber ta un di e puntonan di atenshon mas importante pa Abdul. “E ta otro ku na Hulanda. Akinan por ehèmpel e salanan ta grandi. Hendenan ta biba mas paden. E komplehonan di bibienda ku nos a diseñá na Amboina tin yuist un veranda èkstra grandi. Akinan espasionan den aire liber grandi i verandanan ta mas importante ku espasionan di paden. Banda di esei bo mester konstruí akinan teniendo kuenta ku di unda e bientu ta supla, di moda ku e por supla dor di e kas i duna fresku”.

Wooncentrum Amboina
Den kada grupo di 3 blòk ta bini 10 bibienda.

Matanan krioyo

E proyekto ta aspirá un desaroyo orgániko,  sin trabounan di katapila drástiko. “Nos ta bai wak kua palu ta balioso i mester keda. Huntu ku Tera Bara nos ta trahando un plan pa realisá esaki na un manera natural,” Abdul ta bisa. Matanan krioyo i maneho di awa inteligente ta aspektonan krusial di e diseño. “Hendenan no tin sèn tur ora pa sprui, pues nos mester anda inteligentemente ku e tiki awa ku ta kai.”

A diseñá e kasnan den grupo di 3 blòk di kada un 10 kas, ku fasilidatnan komun manera fisioterapia, minimarket, snèkbar i restorant. E plan nobo ku ta desaroyando no ta pa habitantenan so. “Nos ke pa hendenan di pafó di e bario tambe hasi uzo di e fasilidatnan aki,” Abdul ta bisa.

Ounke e fecha tentativo pa e finalisashon ta 2026, Abdul ta enfatisá ku tin hopi trabou pa hasi ainda. “Na luna di sèptèmber nos ta trata e plannan pa e sentro di kuido na Boneiru, pa despues nos por traha un presupuesto i un planifikashon tékniko. Pa awor e inisio ta planiá pa 2025.”


7



Source link

More in Caribe

A2Z ADMINISTRATION

AD

To Top