Connect with us

A gara señora ta horta mata di hardin na Malmok

Aruba

A gara señora ta horta mata di hardin na Malmok


Doño di un cas situa riba e caminda di Malmok a lanta mainta y topa un ladron den su cura. Un hende muhe tabata cobando cla pa horta mata cu a caba di planta poco tempo pasa pa embeyece e hardin. Pa colmo a cumpra mata caro di afo pa haci e bista mas bunita ainda, cu tipo di mata cu no sa topa cu nan na Aruba.

Hopi cu ta inverti den nan cas pa manten’e bunita, ta saca basta placa fo’i nan saco pa no solamente haci nan propiedad mas bunita pero tambe pa embeyece henter e area. E parti dilanti di nan cas, entre otro, door di embeyec’e, ta lanta bunitesa di henter e cas.
Pero esaki ta bin cu su gasto.

Tin cu por y ta inverti riba 200 mil florin pa drecha e hardin dilant’i nan cas na nan smaak. Y claro, pesey mes nan ta proteg’e.

Un señora no a mir’e asina y a dicidi di bisti su carson di train y sali bay cana banda di Malmok. Doño di un cas a gar’e ta purba of ta horta su mata- y cadushinan den su hardin. Ta mata y cadushi cu, entre otro, a busca for di exterior y a paga bon placa pa nan t’ey awe dilanti su cas.

Ora a atende cu e señora riba su actuacion di mishi cu cos di otro hende, el a manera expresa su mes na Spaño, sali bay na pia y core crusa caminda direccion lama. Asina mes a capta potret di dje. Ta expon’e pa asina evita cu e ta bay otro caminda y haci mescos.

E por pasa na cualkier tienda di bende mata y cu smaak nan lo busca loke e kier pa drecha su hardin di cas sin cu mester horta. Practica economia facil, door di djis yega horta algo cu otro hende a cumpra, lo hinca bo den problema “tardi of trempan”.





Source link

More in Aruba

To Top